Aleksandr Yemelyanenko avtohalokatga uchradi

Жангчи Александр Емельяненко Тамбов шаҳрида автоҳалокатга учради.

Life News нашрининг хабарберишича, Opel автомобилини бошқарган Емельяненко устунга бориб урилган. Автомобил салонида бир нафар йўловчи бўлган. Айнан у жиддий жароҳатланган, спортчининг ўзи соғ омон қолган.

Ҳалокат 9 май куни тонгда 7:30 содир бўлган. полициянинг хабар қилишича, Емельяненко спиртли ичимлик ичмаган, ҳозирда ЙТҲ сабаблари аниқланмоқда.
Ҳозирги вақтда Александр Емельяненкога федерал қидирув эълон қилинган. Аралаш яккакураш бўйича спортчи Александр Емельяненко паспорт ўғрилиги ва фаррош аёлни ҳақорат қилишда айбланмоқда. Шунингдек, у жорий йилнинг март ойида ундан интервью олмоқчи бўлган бир гуруҳ журналистларга ташланган.

Александр Емельяненко афсонавий жангчи Федор Емельяненконинг укаси бўлади.