Frank Riberi: "Bu faoliyatimdagi so'nggi jahon chempionati"

Frantsiya terma jamoasi yarimhimoyachisi Frank Riberi yozda bo'lib o'tadigan jahon chempionati faoliyatidagi oxirgisi bo'lishini aytdi.

31 yoshli futbolchi 2006 va 2010 yilgi mundiallarda qatnashgan, birinchisida kumush medal sohibi bo'lgan.

Eslatib o'tamiz, Frantsiya terma jamoasi JCh-2014da Gonduras, Ekvador va Shveytsaiya terma jamoalari bilan bir guruhda o'ynaydi.

"Bu faoliyatimdagi oxirgi jahon chempionati, shuning uchun unda g'olib bo'lishga harakat qilishim kerak", - deydi Riberi.