«Neftchi» 4 nafar yangi futbolchi bilan shartnoma imzoladi

Toshkentda yig'in o'tkazayotgan “Neftchi”ning tayyorgarlik bosqichidagi ikkinchi yig'ini bugun nihoyasiga etadi. Jamoa so'nggi nazorat uchrashuvini bugun “Sho'rtan”ga qarshi o'tkazadi.

Shundan so'ng futbolchilarga ramazon hayiti bayrami munosabati bilan qisqa muddatli dam beriladi. 29 iyul kuni esa futbolchilar Farg'onada yig'iladi va 3 avgust kuni “Buxoro”ga qarshi kechadigan bahsga tayyorgarlik ko'riladi.

Davralar orlig'ida jamoa yig'iniga kelib qo'shilgan yangi futbolchilar bilan bugun shartnoma imzolandi. Endilikda Akmal Xolmatov, Andrey Akopyants, Sherzod Hakimov va Umid Qodirov rasman “Neftchi” a'zosiga aylandi.

Selektsiya jarayoni bu bilan to'xtatilgani yo'q. Himoya chizig'ini kuchaytirish maqsadida rahbariyat ayni damda bir nechta o'yinchilar bilan muzokara olib bormoqda. 29 iyul kuni bu masala aniq bo'lishi kutilmoqda.