Toshkent viloyatining barcha shahar va tumanlarida piyodalar o`tish joylari oq-sariqqa bo`yalmoqda

Toshkent viloyati IIB Yo`l harakati xavfsizligi boshqarmasi tomonidan viloyatning barcha shahar va tumanlarida piyodalar o`tish joylari oq-sariq rangga bo`yalmoqda. Bu haqda Toshkent viloyati IIBB matbuot xizmati xabar beradi.

Bu tajribaning afzalligi shundaki, oq-sariq rangli piyodalar o`tish joylari yorqinroq nur qaytarib, haydovchilarning e`tiborini jalb etadi. Piyodalar ishtirokidagi yo`l-transport hodisalarining oldini olishda alohida ahamiyatga molik.

Viloyat hududida nafaqat mavjud piyodalar o`tish joylari yangi ko`rinishga o`zgartirilmoqda, balki zarur joylarga yangitdan tashkil etilyapti.

Yangi ko`rinishdagi piyodalar o`tish joylari yo`llarning xavfli qismlarida piyodalar xavfsizligini oshirishga xizmat qiladi, deyiladi xabarda.
Manba: Darakchi.uz