Главная » Yangiliklar » Toshkentdagi ixtisoslashtirilgan tibbiyot markazlarida kimlar bepul davolansa bo`ladi

Toshkentdagi ixtisoslashtirilgan tibbiyot markazlarida kimlar bepul davolansa bo`ladi

Prezidentning 2003 yil 26 fevraldagi farmoni bilan barcha respublika ixtisoslashtirilgan ilmiy-amaliy tibbiyot markazlari tomonidan Davlat byudjeti mablag`lari hisobiga tibbiy yordam ko`rsatiladigan imtiyozli toifadagi shaxslar ro`yxati tasdiqlangan.

Buning uchun Imtiyozli toifaga kiruvchi bemorlarga order berish, ularni shifoxonaga joylashtirish va davlat byudjeti mablag`lari hisobiga davolash qiymatini to`lash to`g`risidagi nizomga asosan sog`liqni saqlashni boshqarishning hududiy organlari, Sog`liqni saqlash vazirligi tomonidan beriladigan tegishli yo`llanma (order) olinishi lozim.

Orderlar sog`liqni saqlashni boshqarishning hududiy organlari, Sog`liqni saqlash vazirligi huzuridagi vrach-tanlash komissiyasining xulosasi asosida beriladi.

Komissiya faqat quyidagi tibbiy hujjatlar mavjud bo`lgan taqdirda bemorlarning imtiyozli toifasini bepul davolashga orderlar berish to`g`risidagi masalani ko`rib chiqadi:

tibbiy yordam berishning birlamchi muassasasining yo`llanmasi asosida viloyat (respublika, shahar) davolash-profilaktika muassasasi tomonidan berilgan mazkur bemorning Respublika ixtisoslashtirilgan tibbiyot markazida davolanishi maqsadga muvofiqligi to`g`risidagi xulosa;

bemorning ahvoli to`g`risidagi tibbiy xulosa (bemorning F.I.O., tashxis, bir oydan ortiq bo`lmagan muddatda olingan laboratoriya va instrumental tekshirish natijalari);

imtiyoz huquqini tasdiqlovchi hujjat (pensiya daftarchasi, nogiron guvohnomasi, o`zini o`zi boshqarish organining ma`lumotnomasi).

O`zbekiston Respublikasi Adliya vazirligining Huquqiy axborot telegram kanalida bu haqda ma`lumotlar berilgan.
Manba: Darakchi.uz



Новости «Toshkentdagi ixtisoslashtirilgan tibbiyot markazlarida kimlar bepul davolansa bo`ladi»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]