Vadim Abramov: «Oddiy g'alaba bo'lmaydi»

Bugun bo'lib o'tgan "Mash'al" - "Lokomotiv"(0:2) uchrashuvidan so'ng mehmonlar bosh murabbiyi Vadim Abramov o'yin haqida o'z fikrlarini bildirib o'tdi.

"G'alabaning oddiy va keraksizi bo'lmaydi. Futbolda kim ko'proq g'alaba qozonishni istasa, maqsadga etishi shuncha tez bo'ladi. Bugun "Loko"da g'alabaga bo'lgan ruhiyat kuchli edi. "Mash'al" kuchsiz jamoa emas. Oliy ligadagi eng murakkab jamoa bo'lgan. Buni biz safardagi barcha uchrashuvlarini kuzatib guvoh bo'ldik. Hech bir o'yinida o'xshashlik ko'rmadim. Tayyorgarlik ham raqibni kuchini inobatga olib yaxshigina olib bordik. Birinchi bo'limda o'yinni nazorat qildik lekin ikkinchi bo'limda "Mash'al" hech bo'lmasa durang uchun o'ynadi. Tavakkal qilib hujumga o'tganida yana bitta to'p o'tkazdi.

Kojakar hozir terma jamoasida. Ketish uchun ruxsat so'radi men esa ketishiga ruxsat berdim. Hozircha boshqa qo'shimcha qila olmayman", - deydi Vadim Abramov.