“Yurak Yig‘lar” saundtreki uchun Benom guruhi videoklip suratga oldi

Muhabbat uchburchagini noodatiy tarzda talqin etuvchi yangi "Yurak yig‘lar” filmi uchun shu nomdagi saundtrek taqdim etilganiga ko‘p o‘tmay, mana uning videoklipi ham suratga olindi.

Kuni kecha o‘tkazilgan tasvirga olish ishlari havo harorati biroz past bo‘lganligi uchun murakkab kechdi. Xabaringiz bor, ijodkorlar Sarvar va Komil nafaqat mazkur saundtrek ijrochilari, balki filmning bosh qahramonlari ham hisoblanadi.

Trek yo‘nalishida suratga olingan video kelasi hafta tayyor bo‘lishi ma’lum qilindi. Albatta, videolkipda filmdan ham kichik lavhalar qo‘llaniladi.

Rejissyor Akrom Shohnazarov boshchiligida tasvirga olingan videoklip qanchalar tarona mohiyatini aks ettirganini esa saytimizda bo‘ladigan premeradan so‘ng boxabar bo‘lasiz.