O'quvchilardan iborat jinoiy guruh qo'lga olindi

Тошкент шаҳар ИИББ ходимлари "Матиз" автомашинасини ўғирлаган жиноий гуруҳни қўлга олди.

12uz.com сайтининг Тошкент шаҳар ИИББдаги манбасига таяниб хабар беришича, қўлга олинганлар Тошкент шаҳридаги коллеж ва лицей ўқувчилари бўлишган.
"Ушбу ҳолат юзасидан Ўзбекистон Республикаси Жиноят Кодексининг 166-моддаси иккинчи қисми билан жиноий иш қўзғатилди (бир гуруҳ шахслар томонидан олдиндан тил бириктириб, ҳаёт ва соғлиқ учун хавфли бўлмаган зўрлик ишлатиб ёхуд шундай зўрлик ишлатиш билан қўрқитиб, анча миқдорда талончилик учун уч йилдан беш йилгача озодликдан маҳрум қилиш билан жазоланади).

Бироқ, тергов жараёнида жиноятчиларнинг электрошокерни қўллагани маълум бўлди. Шу боис, улар содир этган жиноят 164-модданинг 2-қисмига асосан кўриб чиқилади (бир гуруҳ шахслар томонидан олдиндан тил бириктириб, қурол ёки қурол сифатида фойдаланиш мумкин бўлган бошқа нарсаларни ишлатиб, анча миқдордаги мулкни талон-торож қилиш билан боғлиқ ҳолда босқинчилик содир этилган бўлса, саккиз йилдан ўн йилгача озодликдан маҳрум қилиш билан жазоланади), — деб изоҳ берган ИИББ вакили.