Қалин, узун, қайрилган, чиройли ва табиий — киприклар

1.     Чўмилиб чиққандан сўнг киприкларингиз бир-бирига ёпишган ҳолда қуримаслиги учун эски туш чёткаси ёки оддий тиш чёткаси билан таранг. 

2.     Ювиниб бўлгач киприкларингизга соч учун бальзамдан суртиб, 1-2 дақиқадан сўнг ювинг.

3.     Киприклар учун маxсус шампунь ишлаб чиқарилмаган, аммо уларни болалар шампуни билан ювсангиз, ўсиш жараёни сезиларли даражада тезлашади. Шампун қадоғида кўзни ачитмайди, деган ёзуви борлигига аҳамият беринг.

4.     Кастор ёғи таркибида ўсиш жараёнини тезлаштирувчи рицинолеин кислотаси мавжуд. Паxтали тампонда ёки эски туш чёткасида кастор ёғдан киприкларга суртиб туринг.

5.     Доимий равишда маxсус киприклар учун сивороткалардан фойдаланинг. Бундай сивороткаларни сотиб олаётганингизда унинг таркибига аҳамият беринг. Сивороткада сквалан, бисаболол, гиалурон кислоталари, пептид моддаси ва витаминлар бўлиши шарт.

6.     Агар сиз киприкқайиргичлардан фойдалансангиз, бу ишни тушь суртишдан олдин қилинг. Агар кейин киприкларни қайирсангиз, улар синади.

7.     Киприкларни ҳар куни киприкқайиргичда қайирманг. Ҳафтада 1 марта етади.

8.     Сифатли, юмшатувчи, намлантирувчи тушь харид қилинг.

9.     Иложи борича ён тарафга қараб ёки чалқанча уxланг. Юзни ёстиққа босиб уxлаганда киприклар синади ва тўкилади.