Қариш ва семиришга ғов бўлувчи ген топилди

Америкалик олимлар қариш ва семиришга ғов бўлувчи генни топишди. Бу ҳақда PNAS илмий журналида эълон қилинган мақолада маълумот берилган.

Бунда гап иммун тизими ва моддалар алмашинувига жавоб берувчи FAT10 гени ҳақида бормоқда. Олимлар тадқиқотлар давомида каламушлардаги шу генни ўчириб қўйишди ва бу ҳайвонларнинг умри 20 фоизга узайганини аниқлашди.

Шунингдек, бундай каламушлар организми икки баравар кўп ёғни парчаласа ҳам ортиқча вазндан азият чекмайди.

Олимлар бу тадқиқот натижалари қачондир одамларга ҳам фойда беришига умид қилишмоқда.