Баҳорги толиқишни қандай енгиш мумкин?

Баҳор келиши инсонларда толиқиш, тез чарчаш, уйқусираш келиб чиқади. Эрталаблари ёстиқдан бош кўтариш кўпчилик учун «азоб»га айланади. Бу ҳолат айниқса ёш болаларда ва ҳомиладор аёлларда яққол кўзга ташланади. Авваллари мутахассислар аёллар ва эркаклар организмига зарур витаминлар таркиби бир хил, деб ҳисоблашарди. Бироқ ҳозирга келиб олимларнинг бу борада фикрлари ўзгарди. Уларнинг фикрича, аёллар, ўсмирлар ва болалар организмида айрим витамин ва минерал моддаларга катталарга нисбатан кўпроқ эҳтиёж туғилар экан. Юқорида айтиб ўтилган белгилар авитаминоз натижасида келиб чиқади. Бугунги суҳбатимиз баҳор ойларида кузатиладиган авитаминоз ҳақидадир.