Банан истеъмол қилишнинг 10 сабаби!
- Категории: Ajoyib foydali maslahatlar / juda foydali maslahatlar
- Название: Банан истеъмол қилишнинг 10 сабаби!
- Дата релиза: 13-12-16, 20:42
Банан истеъмол қилишнинг 10 сабаби!
- Банан тушкунликка қарши самарали воситадир. Чунки унинг таркибида кўп миқдорда триптофан моддаси бўлиб, у организмда серотонин – бахтиёрлик гормонини ишлаб чиқаради. Шунинг учун банан еб, кайфиятни осонгина кўтариш мумкин.
- Банан, ҳаттоки, чақалоқларда ҳам аллергия бермайдиган мева ҳисобланади.
- Суякларни мустаҳкамлайди. Бананлар организмдаги кальцийни ушлаб қолади. Бу, айниқса, қаҳва ичишни ёқтирадиганлар учун муҳимдир, чунки қаҳва организмдан кальцийни ювиб чиқаради.
- Ичак микрофлорасини яхшилайди. Банан еганда асосий овқат билан организмга тушувчи унинг таркибидаги ферментлар туфайли овқат тезроқ ҳазм бўлади.
- Бу мева ич қотишидан азият чекувчилар учун жуда фойдали. Уларни мунтазам равишда истеъмол қилиш сизни бу муаммодан халос этади.
- Жиғилдон қайнаши муаммосини бир дона банан билан бартараф этиш мумкин!
- Банан истеъмол қилганда у ошқозон деворларини ўраб олади ва шу тариқа уни ошқозон шиллиқ пардасини агрессив моддалар ва озуқадаги кислоталардан сақлайди. Бу эса ошқозондаги яраларнинг битишига ва тўқималарнинг тез тикланишига ёрдам беради.
- Бу мева таркибида калий моддаси кўп миқдорда бўлиб, жисмоний машғулот билан мунтазам шуғулланувчиларга оёқ мушаклари тортишиб қолиши ҳолатларининг олдини олишда ёрдам беради.
- Яхши қувват манбаи! Жисмоний меҳнат билан шуғулланиш олдидан банан истеъмол қилисангиз, ишингиз униши турган гап. Банан организмдаги шакар миқдорининг тез кўтарилишига йўл қўймайди ва танадаги қувват кетмайди.
- Банан аёллар учун фойдали. Банан таркибидаги серотонин ҳайз кўриш даврида аёлларнинг ёмон кайфият ва ёқимсиз ҳолатлардан ҳоли бўлишларига ёрдам беради.
Manba: Darakchi.uz
Смс Шерлар
