Главная » Ajoyib foydali maslahatlar / juda foydali maslahatlar » ​Bekalar diqqatiga! Oshxonadagi 8 zararli odat
​Bekalar diqqatiga! Oshxonadagi 8 zararli odat

​Bekalar diqqatiga! Oshxonadagi 8 zararli odat

​Bekalar diqqatiga! Oshxonadagi 8 zararli odat
Har bir uy bekasining oshxonada o`ziga xos sir-asrorlari bor. Lekin bunday «mahorat»ga ega bo`lmagan bekalar ham uchrab turadi. Ovqatning bemazaligiga esa ba`zi hollarda zararli odatlarimiz «aybdor» bo`ladi. Bunday odatlar natijasida ba`zan tayyorlangan taom salomatlik uchun xavf tug`dirishi ham mumkin.

1. Yog`ni tutuni chiqquncha qizdirish

Noto`g`ri: odatda ko`pchilik avval qozonni qizdirib, so`ng yog` soladi. To yog`dan oq tutun chiqmaguncha mahsulotlarni solmaydi.

Chunki issiq harorat ta`sirida yog`ning mazasi taxirlashib, u qayta qizdirilganda tarkibidagi butun foydali antioksidantlar o`rnini xavfli moddalar egallay boshlaydi.

Maslahat: ovqat pishirish uchun solingan yog`ni engil qizdiring, ya`ni undan oq tutun chiqqunicha kutmang.

2. Ovqatni ko`p aralashtirish (kovlash)

Noto`g`ri: ko`pincha «ovqatni ko`p-ko`p aralashtirib turish kerak, shunda unga maza kiradi», deyishadi.

Aslida esa ovqatni ko`p aralashtirish natijasida mahsulotlar yaxshi qovurilmaydi va maydalanib ketadi. Natijada suyuq ovqatingiz bo`tqadek bo`lib, tiniqligini ham yo`qotadi.

Maslahat: ovqatni uncha ko`p aralashtirmang, tagiga olmaydigan darajada kovlab turishingizning o`zi etarli.

3. Ko`p mahsulotni birdaniga qozonga solish

Noto`g`ri: kartoshkani qizartirib qovurishni istasangiz, uni kichik porsiyalar bilan yog`ga soling. Aks holda u qovurilgan emas, bug`da pishgan kartoshka holiga keladi. Go`shtning ham ko`pini kam yog`ga solsangiz, qozon harorati tezda tushib ketadi. Natijada go`sht qozon tagiga yopisha boshlaydi.

Maslahat: mahsulotlarni alohida-alohida qovurib olib, so`ng hammasini aralashtiring. Bu albatta qo`shimcha vaqt talab qiladi, ammo shu bilan birga, taomingizga o`zgacha ta`m ham beradi.

4. Go`shtni qovurishdan avval yuvish

Noto`g`ri: go`shtdagi shilimshiqliqni tozalash uchun yuviladi. Ammo go`sht yuvilgan rakovina yoki idishingizning ichi bakteriyalarga to`ladi ham. Bu bakteriyalar esa turli kasalliklar kelib chiqishiga sababchi bo`ladi.

Maslahat: go`shtni qog`ozli salfetka bilan quritishning o`zi kifoya.

5. Antiprigar qoplamali tovani baland olovga qo`yish

Noto`g`ri: odatimiz bo`yicha qozonni olovga qo`yamizu tagini balandlatamiz. Ammo «chet ellik» antiprigar qoplamali tovalar bunday baland haroratda o`zidan PFU (perftoruglerod) ajrata boshlaydi. Organizmga tushgan bu ajralma esa oshqozon va ovqat hazm qilish tizimi buzilishiga olib keladi.

Maslahat: bunday tovalarda biror taom pishirish uchun uni engil qizdirish, baland olovga qo`ymaslik talab qilinadi.

6. Olovdan endi olingan go`shtni kesish

Sho`rva yoki boshqa taomning go`shtini olovdan olgach, biroz sovitib, o`z sharbatini shimdirish lozim. Ya`ni olovdan olingan pishgan go`shtni tezda bo`laklash yoki kesishga tushsangiz, u o`z sharbatini yo`qotadi.

Maslahat: yirik bo`lakli go`shtni olovdan olgach, 20 daqiqa, unchalik katta bo`lmagan bo`laklarni esa 5-10 daqiqa sovutgani qo`yib, keyin kesing.

7. Qovurma ovqatlarni temir kapkir bilan kovlash

Noto`g`ri: taomni temir kapkirlarda kovlaganda qozon qirilib, uning mayda qismlari ovqatga chiqadi. Xalqda buni «qozon qusdi», deyiladi.

Maslahat: ovqatni aralashtirish, kovlash uchun yog`och kapkirlar ishlating. Ayniqsa, antiprigar qoplamali tovada qovurayotgan bo`lsangiz, albatta yog`och kapkir ishlatish zarur.

8. Xamirni uzoq qorish

Noto`g`ri: xamirni qorgach, uzoq mushtlash kerak, degan fikr ham noto`g`ri. Xamir uzoq mushtlanganda ortiqcha yopishqoqlik yuzaga kelib, u qattiq bo`lib qoladi.

Maslahat: xamirni bir xil aralashma holiga kelgunga qadar qorishtiring. Xamir qorganda, unni avval elab qo`ygan bo`lsangiz ham yana bir bor elab oling. Bu xamir yumshoq bo`lishiga yordam beradi.

Mana shu kichik maslahatlarga rioya etsangiz, umid qilamizki, mazali va foydali taomlaringiz bilan oila a`zolaringizni mamnun qilasiz.

Shirin AKBAROVA tayyorladi
Manba: Darakchi.uz

Смс Шерлар
Ustozlarim sizlarga rahmat 2022
Ustozlarim sizlarga rahmat 2022
1 - OKTYABR O'QITUVCHILAR KUNI HAQIDA SHERLAR
Кетаман
Кетаман
SEVGI ROMANTIKA HAQIDA SHERLAR SMS
KO'ZLARIMNI TARJIMA QILING
KO'ZLARIMNI TARJIMA QILING
ONALAR HAQIDA YANGI SHERLAR
Рахмат Онажон
Рахмат Онажон
ONALAR HAQIDA YANGI SHERLAR
YORIM BO'LING
YORIM BO'LING
SEVGI ROMANTIKA HAQIDA SHERLAR SMS
O'jarliging jonga tegdi
O'jarliging jonga tegdi
SEVGI ROMANTIKA HAQIDA SHERLAR SMS
Yomg'irlar
Yomg'irlar
SEVGI ROMANTIKA HAQIDA SHERLAR SMS
Onajonim mehrizga to‘yib
Onajonim mehrizga to‘yib
ONALAR HAQIDA YANGI SHERLAR
Tanishgandik Bekatda
Tanishgandik Bekatda
SEVGI ROMANTIKA HAQIDA SHERLAR SMS
Логин:
Пароль: