Эр хотинини масхараласа...
- Категории: Ajoyib foydali maslahatlar / juda foydali maslahatlar
- Название: Эр хотинини масхараласа...
- Дата релиза: 26-07-17, 16:58
Эр хотинини масхараласа...
«Опамнинг оила қурганига ўн йил бўлаяпти. Поччам билан севишиб, ҳаёт йўлларини боғлашган. Шириндан-ширин фарзандлари бор. Аммо охирги пайтларда турмуш ўртоғи ўзгариб қолган. Опам ўзи гавдали, тўлачадан келган аёл. Нуқул эри ташқи кўринишини масхаралаб, устидан кулади. Бундан опам тушкунликка тушиб қолган. Менда эса қўрқув пайдо бўлган. Турмушга чиқсам, умр йўлдошим ҳам мени шундай камситса, чидай олмасам керак...»
Нафосат, 21 ёш
Эркак киши рафиқасининг ташқи кўринишини кулгуга олса, унга қандай муносабат билидириш керак? Бу эркалаш маъносидаги ҳазилми ё камситиш? Бугун саҳифамизда руҳшунос Наргиз САТТАРОВА билан шу саволларга жавоб излаймиз.
Ташқи кўринишда гап кўп(ми)?
Эркак киши учун аёлининг ташқи кўриниши эмас, унинг ёнида ўзини қандай ҳис қилиши муҳим. Яъни аёлининг кайфияти, ўзига ва унга билдираётган муносабати аҳамиятли. Ён-атрофингизга қарасангиз, сиз кўримсизгина санайдиган аёлларни (аслида, аёлларнинг ташқи кўринишига аёлларнинг ўзлари баҳо беришга уста бўлишади) турмуш ўртоқлари бошида кўтариб юради, эъзозлайди, қадрлайди. Шунда айримлар «Шу хунуккина хотинини нега бунча севаркан?» дея киноя ҳам қилиб қўйишади. «Бу дунёда хунук аёлнинг ўзи йўқ, фақатгина дангаса аёллар бор» деган машҳур иборани билсангиз ҳам, шу ўринда эслатиб ўтишимиз жоиз.
Ташқи кўринишнинг муносабатлардаги аҳамиятини биринчи ўринга қўйиш ҳам, шу билан бирга, уни муҳим эмас, деб ҳисоблаш ҳам мумкинмас. Гап сизнинг унга қандай муносабат билдиришингизда. Хўш, сиз аёл сифатида гўзалликнинг мезони нималарда деб ўйлайсиз? Чиройли аёл қандай бўлиши керак? У қайси шартларга жавоб бериши шарт? Биринчи айтар жавобингиз, албатта, «90х60х90 қоматли-да!» деган идеалогия! Йўқ, асло бундаймас. Гўзаллик тушунчаси жуда нисбий. Ва ҳамма уни ўзича баҳолайди. «Кимдир атиргул шайдоси, кимга ёқар лола» деганларидек. Унутманг, чиройли аёл, бу — ички дунёси гўзал бўлган, самимий, юз-кўзи кулиб турган ва ҳамиша ўзига эътиборли, ўзини ҳурмат қиладиган ҳамда севадиган аёлдир!
Танганинг биринчи томони
Баъзи эркаклар ярим ҳазил — ярим чин қилиб, рафиқасининг ташқи кўринишини танқидга олишади. Бир ёстиққа яхши ниятлар билан бош қўйган жуфтингиз курагингизда турмаётган ҳазиллари билан нимадир демоқчи. У ўзгаришингизни истаяпти. Балким, ким биландир солиштираётгандир ҳам. Ахир афрофида чиройли аёллар етарлича топилади. Шуни тўғридан-тўғри ўзингизга айтолмаётганидан, ҳазилга ўраб гапираяпти. Буни тўғри қабул қилинг. Алам қилса ҳам, бармоқни қаттиқ тишланг. Дўст ачитиб гапиради. Энг яқин инсонингиз ташқи кўринишингизни нишонга олаётгани хафа қилади, шу билан бирга, таъсир ҳам. Бундан фойдаланинг. Яъни ўз устингизда ишланг.
Тўғри, бир тоифа эркаклар борки, улар омадсизликлари сабаб ҳам аёлига эътирозлар билдираверади. Аммо начора? Шундай инсонни ўзингиз танлагансиз. Қачонки, сиз ўзгариб, бу дегани ташқи кўринишга ўзгартириш учун тўрт томонга чопишмас, аввало ўзингизга бўлган ишончни оширсангиз, унинг ҳам муносабати ижобий тус олади.
Нега устингиздан кулади?
Энди танганинг иккинчи томонига қаранг. Эрингизнинг бу ҳазиллари остида қандай ҳақиқат яширинганини тушуниб етсангиз, муаммони бартараф қилиш имкони пайдо бўлади.
1. Аёл ўзини ҳурмат қилмайди. Шу сабаб ҳам эрининг олдида ҳурматини йўқотаяпти. Кимдир сизга пала-партиш ўралган, эскирган, ҳеч нимага арзимайдиган нарса совға қилса, ёқадими? Йўқ, «Ҳурматим йўқ экан», дея руҳингиз тушади. Ўзингизни доим ана шундай «совға»ларга муносиб кўришингиз нимадан дарак беради? Ўзингизни севмаслигингиздан. Сизга уйда униққан халат ҳам бўлаверади, «Ким ҳам кўраяпти?» дея сочингизни тарамай ҳам юраверасиз. «Биров энди мени келин қилармиди?» деб қоматингизга, юзингизга эътибор ҳам бермайсиз. Бу ўзингизга нисбатан ҳурматсизлик белгисимасми?
2. Ўзига бўлган ишончнинг пастлиги. Бу сабабни доим такрорлаймиз. Ўзингизга бўлган ишончни оширмасангиз, турли муолажалариу операциялар билан қиёфангизни ўзгартирганингиздан фойда йўқ. Сиз ўзигизни борингизча қабул қилсангиз, эрингиз ҳам шундайлигингизча севади. Бўлмаса, ўзини хунук, семиз, бесўнақай санайдиган хотинини у ҳам худди шундай баҳолайди.
3. Муаммога юқоридан қарамаслик. Қоматингиздан қониқмайсиз, фикр-ёдингиз озишда. Озиб олсангиз, эрингиз яна қайтадан сизни севиб қолади. Ўтирсангиз ҳам, турсангиз ҳам фақат шуни ўйлайсиз. «Озғингина, ёшгинасини топиб олгандир-да», деб ич-этингизни ейсиз, тушкунлик қаърига шўнғийсиз. Натижада, қувватингиз бир нуқтада тўпланиб қолади. Фақат шу ҳақда ўйлашингиз оқибатида табиат хаёлларингизга тескари жавоб қайтара бошлайди. Кейин сизда пайдо бўлган орттирма потенциал қувват натижасида ички мувозанат бузилади. Табиат мувозатингизни тиклаш учун олдингизга бошқа бир муаммони кўндаланг қилади. Қувватингизни бошқа томонга йўналтиришингиз керак, ахир. Яна кейин оилавий муаммо, бирор хасталик орттириб оласиз. Ташқи кўринишингиздан қониқмаяпсизми, кучингизни бирор ҳаракатга сафрланг.
4. Ўзидан қониқмаслик. Кимдир новчароқ бўлади, кимнингдир бўйи пастроқ. Танамиздаги, ташқи кўринишимиздаги айрим томонларимизни ўзгартириб бўлмайди. Уларни афзал томонларингиз билан ёпиб кетишингиз мумкин. Масалан, ўзи гавдали-ю, доим дид билан кийинадиган, истараси иссиқ, муомаласи ширин аёлларга қаранг. Жуда чиройли кўринишади улар. Чунки ички олами ниҳоятда гўзал. Сиз ҳам урғуни фақат ташқи кўринишга қаратманг. Ички дунёнгиз ҳужайраларга, қон айланишига — ҳамма-ҳаммасига таъсир қилади. Ўзи қўғиричоқдек, аммо бадфеъл аёл меҳр қозона оладими? Йўқ, у билан муносабатлар чуқур ва самимий бўлмайди. Ички олами юзага чиққач, чиройига учган одамнинг ҳафсаласи пир бўлади. Ички ва ташқи гўзаллик уйғун бўлиши лозим. Оддий мисол, пирогингиз ўзи ширин-у, кўриниши ўхшамади. У иштаҳа очадими? Ёки дастурхонга жуда ейишли қилиб тортилган таомнинг мазаси оғзингизга ёқмади. Унга яна қўл узатасизми?
5. Баҳоналар. Ҳозир мақолани ўқиб турган ва шу муаммога дуч келган аёлнинг хаёлидан ўнлаб баҳоналар ўтиши мумкин. «Вақтим йўқ», «Эрим ортиқча бир сўм ҳам бермайди». Яна такрор айтамиз, булар баҳона. Улар ўзингизни алдаш учун хизмат қилади, холос. Вақт топилади, эрталаб, кечқурун 10-15 дақиқа ўзингизга ажрата олишнинг имкони бор. Камроқ сериал кўринг, интернетга мукка тушманг, ғийбат билан овора бўлманг-да, юзингизга муолажалар қилинг. Пулми, сал ортиқча харажатларингизни камайтиринг, бўйнингизга фалон пуллик тилла тақманг-да, юзингизга ажин тушишидан ҳимояланинг, фитнес каби машғулотларга қатнай олмасангиз, ҳар кеч 1 соат яёв сайр қилинг. Бундай сайрларга турмуш ўртоғингизни ҳамроҳ қилиб олсангиз, янаям яхши. Ҳам муносабатлар мустаҳкамланади, ҳам романтик кайфият бахш этади иккингизга, ҳам соғликка, қоматга фойда. Яна шундай аёллар борки, «Мен озмайман» «Ёки семира олмайман», деб қўл силтаб қўя қолишади. Аслида қоматига мос либос кийса, ёки юзига хос пардоз қилса, чиройи очилади. Дидли бўлиш гўзалликнинг белгисидир.
6. Масъулиятни бошқаларга юклаш. «Уч бола туғиб бердим, қоматим бузилди, ана энди ёқмай қолдим», «Онасининг хизматини қиламан деб, ўзимга эътибор беролмадим», дея иддао қиладиганлар ҳам бор. Аёл кишининг ўзига эътибор қаратмаслигини ҳеч бир баҳона ёки афзал томонингиз ёпиб кетмайди. Чунки сиз АЁЛсиз! Дидли, фаросатли, чиройли бўлишингиз шарт. Ёғланган соч, тер иси анқийдиган тана, эски халат — булар сизга умуман тақиқланган! Эсланг, бувингиз, онангиз эрта тонгдан қошига ўсма қўйган, сочини хина билан бўяган. Имконитялари кенг замонда яшаймиз, аслида, юмушларимиз ҳам осонлашган. Гўзаллик муолажалари жуда кўп ва қулайлари бисёр. Гап фақат сизнинг хоҳишингизда! Ташқи кўринишингиз учун масъулиятни ўз бўйнингизга олишингизда!
7. «Энди шартмас» синдороми. Ҳа, аёлларнинг кўпчилиги шу гапни «шиор» қилиб олишган. Учрашувга чиқиш олдидан соатлаб кўзгу қаршисида ўтирган, ўн хил кўйлагини кийиб кўрган қиз энди хотин! Келинчаклигида чиройли либосларни кийиб, пардоз қилиб юрган аёл энди икки боланинг онаси! Эри ёнида, унга чиройли кўриниш шартмас! Ишга борганида, тўйга отланганида, дугоналари билан учрашганида ўзига қараса бўлди! Ахир аёллар гапиришади. Бошқаларнинг кўзига хунук кўринмаслиги керак. Қимматбаҳо ялтираган кўйлаги, қўша-қўша тилла узуклари бўлиши шарт. Гўёки шулар унинг бахтли яшаётганини кўрсатиб қўяди. Фалончихон билан рақобатлашиш учун ҳам бирам ўзига оро беришадики, асти қўяверинг. Ҳа, аёллар ўртасида рақобат доим бор. Эрингизни шу рақобатда бой бериб қўймаслик учун, яъни у ўзи истаган кўринишни бошқа аёлларда излаб қолмаслиги учун ҳам туриб беришингиз керак. Бугундан уйда ҳам чиройли ва ораста бўлиб юринг! Бу шарт!
Хафа бўлаяпсизми?
Балким турмуш ўртоғингиз, шунчаки, ҳазил қилаётгандир? Сиз буни калака қилиш деб тушунаётгандирсиз? Нима бўлса ҳам, унинг муносабати дилингизни оғритаяптими, ичингизга ютманг. Эрингизга «Бу сиз учун ҳазилдир, аммо мени хафа қилаяпти. Кўнглим оғрияпти», дея ҳиссиётларингизни айтинг. Йиғи-сиғи, шубҳа-гумон, жанжал, араз билан эмас, хотиржамлик билан унинг беўхшов ҳазилларига нуқта қўйинг.
Биласизми, муаммо нуқтага ўхшайди. Аммо вақт бир жойда турмаганидек у ҳам бир нуқтада қолиб кетмайди, ҳаракатланиши шарт. Айблаш, норозилик билан тушкунлик домига баттар тушиб кетасиз. Тўғри хулоса чиқариш, ҳаракатланиш, ўзига бўлган ишончни ошириш эвазига юқорига кўтариласиз. Магарки ташқи кўринишингизда ўзингиз қониқмайдиган жиҳатингиз тузатиб бўлмайдиган бўлса, яхшиси, куч ва вақтингизни афзал томонларингизни ривожлантиришга қаратинг. Ўзингизга бўлган муносабатингиз ўзгармас экан, турмуш ўртоғингизнинг ҳам сизга берадиган баҳоси яхшиланмайди.
Доим чиройли, жозибали бўлиб юринг!
МУХЛИСА
Manba: Darakchi.uz
Нафосат, 21 ёш
Эркак киши рафиқасининг ташқи кўринишини кулгуга олса, унга қандай муносабат билидириш керак? Бу эркалаш маъносидаги ҳазилми ё камситиш? Бугун саҳифамизда руҳшунос Наргиз САТТАРОВА билан шу саволларга жавоб излаймиз.
Ташқи кўринишда гап кўп(ми)?
Эркак киши учун аёлининг ташқи кўриниши эмас, унинг ёнида ўзини қандай ҳис қилиши муҳим. Яъни аёлининг кайфияти, ўзига ва унга билдираётган муносабати аҳамиятли. Ён-атрофингизга қарасангиз, сиз кўримсизгина санайдиган аёлларни (аслида, аёлларнинг ташқи кўринишига аёлларнинг ўзлари баҳо беришга уста бўлишади) турмуш ўртоқлари бошида кўтариб юради, эъзозлайди, қадрлайди. Шунда айримлар «Шу хунуккина хотинини нега бунча севаркан?» дея киноя ҳам қилиб қўйишади. «Бу дунёда хунук аёлнинг ўзи йўқ, фақатгина дангаса аёллар бор» деган машҳур иборани билсангиз ҳам, шу ўринда эслатиб ўтишимиз жоиз.
Ташқи кўринишнинг муносабатлардаги аҳамиятини биринчи ўринга қўйиш ҳам, шу билан бирга, уни муҳим эмас, деб ҳисоблаш ҳам мумкинмас. Гап сизнинг унга қандай муносабат билдиришингизда. Хўш, сиз аёл сифатида гўзалликнинг мезони нималарда деб ўйлайсиз? Чиройли аёл қандай бўлиши керак? У қайси шартларга жавоб бериши шарт? Биринчи айтар жавобингиз, албатта, «90х60х90 қоматли-да!» деган идеалогия! Йўқ, асло бундаймас. Гўзаллик тушунчаси жуда нисбий. Ва ҳамма уни ўзича баҳолайди. «Кимдир атиргул шайдоси, кимга ёқар лола» деганларидек. Унутманг, чиройли аёл, бу — ички дунёси гўзал бўлган, самимий, юз-кўзи кулиб турган ва ҳамиша ўзига эътиборли, ўзини ҳурмат қиладиган ҳамда севадиган аёлдир!
Танганинг биринчи томони
Баъзи эркаклар ярим ҳазил — ярим чин қилиб, рафиқасининг ташқи кўринишини танқидга олишади. Бир ёстиққа яхши ниятлар билан бош қўйган жуфтингиз курагингизда турмаётган ҳазиллари билан нимадир демоқчи. У ўзгаришингизни истаяпти. Балким, ким биландир солиштираётгандир ҳам. Ахир афрофида чиройли аёллар етарлича топилади. Шуни тўғридан-тўғри ўзингизга айтолмаётганидан, ҳазилга ўраб гапираяпти. Буни тўғри қабул қилинг. Алам қилса ҳам, бармоқни қаттиқ тишланг. Дўст ачитиб гапиради. Энг яқин инсонингиз ташқи кўринишингизни нишонга олаётгани хафа қилади, шу билан бирга, таъсир ҳам. Бундан фойдаланинг. Яъни ўз устингизда ишланг.
Тўғри, бир тоифа эркаклар борки, улар омадсизликлари сабаб ҳам аёлига эътирозлар билдираверади. Аммо начора? Шундай инсонни ўзингиз танлагансиз. Қачонки, сиз ўзгариб, бу дегани ташқи кўринишга ўзгартириш учун тўрт томонга чопишмас, аввало ўзингизга бўлган ишончни оширсангиз, унинг ҳам муносабати ижобий тус олади.
Нега устингиздан кулади?
Энди танганинг иккинчи томонига қаранг. Эрингизнинг бу ҳазиллари остида қандай ҳақиқат яширинганини тушуниб етсангиз, муаммони бартараф қилиш имкони пайдо бўлади.
1. Аёл ўзини ҳурмат қилмайди. Шу сабаб ҳам эрининг олдида ҳурматини йўқотаяпти. Кимдир сизга пала-партиш ўралган, эскирган, ҳеч нимага арзимайдиган нарса совға қилса, ёқадими? Йўқ, «Ҳурматим йўқ экан», дея руҳингиз тушади. Ўзингизни доим ана шундай «совға»ларга муносиб кўришингиз нимадан дарак беради? Ўзингизни севмаслигингиздан. Сизга уйда униққан халат ҳам бўлаверади, «Ким ҳам кўраяпти?» дея сочингизни тарамай ҳам юраверасиз. «Биров энди мени келин қилармиди?» деб қоматингизга, юзингизга эътибор ҳам бермайсиз. Бу ўзингизга нисбатан ҳурматсизлик белгисимасми?
2. Ўзига бўлган ишончнинг пастлиги. Бу сабабни доим такрорлаймиз. Ўзингизга бўлган ишончни оширмасангиз, турли муолажалариу операциялар билан қиёфангизни ўзгартирганингиздан фойда йўқ. Сиз ўзигизни борингизча қабул қилсангиз, эрингиз ҳам шундайлигингизча севади. Бўлмаса, ўзини хунук, семиз, бесўнақай санайдиган хотинини у ҳам худди шундай баҳолайди.
3. Муаммога юқоридан қарамаслик. Қоматингиздан қониқмайсиз, фикр-ёдингиз озишда. Озиб олсангиз, эрингиз яна қайтадан сизни севиб қолади. Ўтирсангиз ҳам, турсангиз ҳам фақат шуни ўйлайсиз. «Озғингина, ёшгинасини топиб олгандир-да», деб ич-этингизни ейсиз, тушкунлик қаърига шўнғийсиз. Натижада, қувватингиз бир нуқтада тўпланиб қолади. Фақат шу ҳақда ўйлашингиз оқибатида табиат хаёлларингизга тескари жавоб қайтара бошлайди. Кейин сизда пайдо бўлган орттирма потенциал қувват натижасида ички мувозанат бузилади. Табиат мувозатингизни тиклаш учун олдингизга бошқа бир муаммони кўндаланг қилади. Қувватингизни бошқа томонга йўналтиришингиз керак, ахир. Яна кейин оилавий муаммо, бирор хасталик орттириб оласиз. Ташқи кўринишингиздан қониқмаяпсизми, кучингизни бирор ҳаракатга сафрланг.
4. Ўзидан қониқмаслик. Кимдир новчароқ бўлади, кимнингдир бўйи пастроқ. Танамиздаги, ташқи кўринишимиздаги айрим томонларимизни ўзгартириб бўлмайди. Уларни афзал томонларингиз билан ёпиб кетишингиз мумкин. Масалан, ўзи гавдали-ю, доим дид билан кийинадиган, истараси иссиқ, муомаласи ширин аёлларга қаранг. Жуда чиройли кўринишади улар. Чунки ички олами ниҳоятда гўзал. Сиз ҳам урғуни фақат ташқи кўринишга қаратманг. Ички дунёнгиз ҳужайраларга, қон айланишига — ҳамма-ҳаммасига таъсир қилади. Ўзи қўғиричоқдек, аммо бадфеъл аёл меҳр қозона оладими? Йўқ, у билан муносабатлар чуқур ва самимий бўлмайди. Ички олами юзага чиққач, чиройига учган одамнинг ҳафсаласи пир бўлади. Ички ва ташқи гўзаллик уйғун бўлиши лозим. Оддий мисол, пирогингиз ўзи ширин-у, кўриниши ўхшамади. У иштаҳа очадими? Ёки дастурхонга жуда ейишли қилиб тортилган таомнинг мазаси оғзингизга ёқмади. Унга яна қўл узатасизми?
5. Баҳоналар. Ҳозир мақолани ўқиб турган ва шу муаммога дуч келган аёлнинг хаёлидан ўнлаб баҳоналар ўтиши мумкин. «Вақтим йўқ», «Эрим ортиқча бир сўм ҳам бермайди». Яна такрор айтамиз, булар баҳона. Улар ўзингизни алдаш учун хизмат қилади, холос. Вақт топилади, эрталаб, кечқурун 10-15 дақиқа ўзингизга ажрата олишнинг имкони бор. Камроқ сериал кўринг, интернетга мукка тушманг, ғийбат билан овора бўлманг-да, юзингизга муолажалар қилинг. Пулми, сал ортиқча харажатларингизни камайтиринг, бўйнингизга фалон пуллик тилла тақманг-да, юзингизга ажин тушишидан ҳимояланинг, фитнес каби машғулотларга қатнай олмасангиз, ҳар кеч 1 соат яёв сайр қилинг. Бундай сайрларга турмуш ўртоғингизни ҳамроҳ қилиб олсангиз, янаям яхши. Ҳам муносабатлар мустаҳкамланади, ҳам романтик кайфият бахш этади иккингизга, ҳам соғликка, қоматга фойда. Яна шундай аёллар борки, «Мен озмайман» «Ёки семира олмайман», деб қўл силтаб қўя қолишади. Аслида қоматига мос либос кийса, ёки юзига хос пардоз қилса, чиройи очилади. Дидли бўлиш гўзалликнинг белгисидир.
6. Масъулиятни бошқаларга юклаш. «Уч бола туғиб бердим, қоматим бузилди, ана энди ёқмай қолдим», «Онасининг хизматини қиламан деб, ўзимга эътибор беролмадим», дея иддао қиладиганлар ҳам бор. Аёл кишининг ўзига эътибор қаратмаслигини ҳеч бир баҳона ёки афзал томонингиз ёпиб кетмайди. Чунки сиз АЁЛсиз! Дидли, фаросатли, чиройли бўлишингиз шарт. Ёғланган соч, тер иси анқийдиган тана, эски халат — булар сизга умуман тақиқланган! Эсланг, бувингиз, онангиз эрта тонгдан қошига ўсма қўйган, сочини хина билан бўяган. Имконитялари кенг замонда яшаймиз, аслида, юмушларимиз ҳам осонлашган. Гўзаллик муолажалари жуда кўп ва қулайлари бисёр. Гап фақат сизнинг хоҳишингизда! Ташқи кўринишингиз учун масъулиятни ўз бўйнингизга олишингизда!
7. «Энди шартмас» синдороми. Ҳа, аёлларнинг кўпчилиги шу гапни «шиор» қилиб олишган. Учрашувга чиқиш олдидан соатлаб кўзгу қаршисида ўтирган, ўн хил кўйлагини кийиб кўрган қиз энди хотин! Келинчаклигида чиройли либосларни кийиб, пардоз қилиб юрган аёл энди икки боланинг онаси! Эри ёнида, унга чиройли кўриниш шартмас! Ишга борганида, тўйга отланганида, дугоналари билан учрашганида ўзига қараса бўлди! Ахир аёллар гапиришади. Бошқаларнинг кўзига хунук кўринмаслиги керак. Қимматбаҳо ялтираган кўйлаги, қўша-қўша тилла узуклари бўлиши шарт. Гўёки шулар унинг бахтли яшаётганини кўрсатиб қўяди. Фалончихон билан рақобатлашиш учун ҳам бирам ўзига оро беришадики, асти қўяверинг. Ҳа, аёллар ўртасида рақобат доим бор. Эрингизни шу рақобатда бой бериб қўймаслик учун, яъни у ўзи истаган кўринишни бошқа аёлларда излаб қолмаслиги учун ҳам туриб беришингиз керак. Бугундан уйда ҳам чиройли ва ораста бўлиб юринг! Бу шарт!
Хафа бўлаяпсизми?
Балким турмуш ўртоғингиз, шунчаки, ҳазил қилаётгандир? Сиз буни калака қилиш деб тушунаётгандирсиз? Нима бўлса ҳам, унинг муносабати дилингизни оғритаяптими, ичингизга ютманг. Эрингизга «Бу сиз учун ҳазилдир, аммо мени хафа қилаяпти. Кўнглим оғрияпти», дея ҳиссиётларингизни айтинг. Йиғи-сиғи, шубҳа-гумон, жанжал, араз билан эмас, хотиржамлик билан унинг беўхшов ҳазилларига нуқта қўйинг.
Биласизми, муаммо нуқтага ўхшайди. Аммо вақт бир жойда турмаганидек у ҳам бир нуқтада қолиб кетмайди, ҳаракатланиши шарт. Айблаш, норозилик билан тушкунлик домига баттар тушиб кетасиз. Тўғри хулоса чиқариш, ҳаракатланиш, ўзига бўлган ишончни ошириш эвазига юқорига кўтариласиз. Магарки ташқи кўринишингизда ўзингиз қониқмайдиган жиҳатингиз тузатиб бўлмайдиган бўлса, яхшиси, куч ва вақтингизни афзал томонларингизни ривожлантиришга қаратинг. Ўзингизга бўлган муносабатингиз ўзгармас экан, турмуш ўртоғингизнинг ҳам сизга берадиган баҳоси яхшиланмайди.
Доим чиройли, жозибали бўлиб юринг!
МУХЛИСА
Manba: Darakchi.uz
Смс Шерлар
