Orzularimiz va biz

Aksariyat insonlarning moddiy jihatdan muvvaffaqiyatga erisha olmasligining asosiy sababi shundaki, buni amalga oshira olishlari ularning miyasiga hech qachon kelmaydi. Natijada ular hech qachon hattoki harakat ham qilib ko'rmaydilar. Ushbu poyganing start chizig'iga kelmaydilar ham. Pul masalasida ishlab topganlarini va hatto undan ham ko'prog'ini sarflagan holda sarson-sargardon bo'lib yuradilar. Hayotda o'z orzusi tomon yurishdan ham maroqliroq yumush yo'q. O'z orzusiga xiyonat qilgan va uni unutgan insonning umidlari puchga chiqadi. G'oliblar vaqti-vaqti bn to'xtaydilar va o'zlariga savol beradilar: Men orzularim sari intilyapmanmi yoki oqim bo'ylab suzyapmanmi?
Qancha ko'p orzu qilsak shunchalik kuchimiz oshadi. Ahli donolardan biri shunday degan: Insonlar kopincha o'zlari istagan insonga aylanish u.n zarur bo'lgan barcha narsa ularda borligiga ishonishni istamaydilar. Shuning u.n ular o'zlari munosib bo'lmagan narsaga ko'nikib qo'ya qoladilar.
Maqsadga erishish u.n hayotni ham garovga qo'yishga tayyor inson irodasiga hech narsa to'sqinlik qila olmaydi. Ba'zi insonlar boshqalarni ergashtirib keta oladi, ba'zilari esa itning keyingi oyogli bb yuraveradi. Nega shunday? Ular o'rtasidagi asosiy farq orzulariga turli xil munosabatda bo'lishidir.
Orzularimiz qanchalik ulug' bo'lsa o'zimiz ham shunchalik qudratli bo'lamiz.
Biror narsani orzu qilish maqsadlaringizga -millionerga aylanishga va moliyviy jihatdan mustaqil bo'lishga erishishning boshlang'ich nuqtasidir.
Orzularingiz xuddi tug'ilmagan chaqaloqdek qaroringizni kutmoqda. Ularga qarab qadam tashlang. Undan avval o'zingizga so'z bering: Nima bo'lishidan qat'iy nazar, natijasi va vaziyatdan qat'iy nazar o'ylagan narsamga ega bo'laman. (Ravshanbek Xonniyozning "Orzularingiz o'g'irlanishiga yo'l qo'ymang" kitobidan olindi)