​​Qulupnayning 9 foydasi

Meva tarkibida V1 vitamini mavjudligi sababli qulupnay asab tizimi faoliyatiga ijobiy ta`sir ko`rsatadi.
V2 vitamini esa ko`z nuriga foyda.
Sharbati ishtahani ochsa, mevasini mavsum davomida iste`mol qilish yurak faoliyatini yaxshilab, immunitetni oshiradi.
Kam kaloriyali bu meva qomatingizga aslo xavf solmaydi.
Qulupnay foliy kislotasiga boyligi sababli xotirani mustahkamlaydi.
Bir nechta mevalarni ezib, ozginga limon sharbati qo`shing-da, sepkillar ustidan surting. Bu muolajani qulupnay mavsumi davomida amalga oshirsangiz, sepkillaringiz ko`zga tashlanmaydigan bo`ladi.
2-3 dona mevalarni ezing. 1 choy qoshiq asal qo`shing-da, yaxshilab aralashtiring. So`ngra yuzingizga surtib, 10 daqiqa kuting. Sovuq suv bilan yuvish kerak. Yog`li yuz terisi uchun juda foydali.
Qulupnay mevalarini ezib, ozgina mayda tuz qo`shsangiz, ajoyib skrab tayyor bo`ladi. Aylana harakatlar bilan yuzingizni uqalab, skarbdan surtasiz-da, sovuq suv bilan yuvasiz. Keyin parvarishlovchi krem surtishni unutmang.
Quruq va normal yuz terisi uchun esa ushbu niqob ayni muddao. Qulupnayni smetana bilan aralashtirib, yuz terisiga surting. Ajin tushishining oldini olib, yuzni tetiklashtiradi.
Manba: Darakchi.uz