​Yuz terisini chiroyli saqlay desangiz

Kun davomida yuz ifodamiz 15000 marta o`zgaradi, shuning uchun mayda ajinchalar paydo bo`lishidan qochib qutula olmaymiz. Lekin kulganimizda, faqatgina 14ta muskulimiz, xo`mrayganimizda esa 70 ta muskulumiz burishadi. Shuning uchun kulishdan o`zingizni tiymang. Yoshligimizni va terimizni chiroyli saqlab qolish uchun, uning eng xavfli dushmanlarini iloji boricha yo`qotishimiz kerak. Bular qaysi dushmanlar va ularni qanday qilib yo`qota olamiz.

Kam uyqu. Fransuz olimlari tajribalaridan kelib chiqib, kam uxlaydigan kishilarning terisi qarish prosessini tezlashtiradi degan xulosaga kelishdi. Aksingiz sizni quvontirishi uchun, har kuni 7-8 soat uxlashingiz kerak. Har kuni, bir vaqtda uxlashga harakat qiling.

Ultrabinafsha nurlaridan aziyat chekish. Oftob nurlari orqali terimiz oftobda toblanadi, lekin u bilan birga uni qaritadigan ultrabinafsha nurlarini ham oladi. Undan saqlanish uchun — ko`chaga chiqishdan oldin, yuzingizga SPF filtrli kremlarini surtib chiqing.

Yomon ekologiya. Shahar havosining gazlanganligi bizning yuzimizda o`z ifodasini ko`rsatadi. Ozgina bo`lsada, bunga qarshilik ko`rsatish, uchun terini yumshatuvchi krem surtmalardan foydalaning. Tarkibida antioksidant mavjud kremlar ayni muddao. Bunday turdagi kremlar qal`a vazifasini bajaradi.

Stress. Barcha asabiylashlaringiz yuzingizda o`z ifodasini topadi. Quruqlik sezuvchanlik pigmentatsiya bularning barchasi ichki zo`riqishdan kelib chiqadi. Shuning uchun, har bir ish kunidan so`ng, o`zingizni bo`sh qo`ying tinchlaning. Klassik musiqalar tinglang va quvnoq kino filmlarni tomosha qiling. 37* S suvga, uch to`rt tomchi lavanda, yoki sitrus yog`ini solib, 20 daqiqa xushbo`y vanna qabul qiling. Bularni hammasi sizga qalb garmoniyasini tiklashga yordam beradi, demak, teringizni ham strescdan avaylaydi.

Umid qilamizki, ushbu lavhamiz ayollar va erkaklarga birdek manzur bo`ladi. Chunki qarimaslikni va ajinlarsiz jozibali ko`rinishni barchamiz birdek istaymiz.
Manba: Darakchi.uz