Жунуб кишига тегишли масалалар...

Junub kishiga tegishli
masalalar

Imom Muslim Abu Sa'id al-
Xudriydan rivoyat qilgan hadisda
Rasululloh sollallohu alayhi va
sallam: "Agar birontangiz
ayoliga yaqinlashsa, keyin yana
yaqinlashmoqchi bo'lsa, o'rtada
tahorat olsin", dedilar.
Muttafaqun alayh bo'lgan
hadisda Umar roziyallohu anhu
Rasululloh sollallohu alayhi va
sallamdan:
- Birortamiz junub holatda
uxlasa bo'ladimi?- deb so'radi.
- Ha, tahorat olgan bo'lsa, junub
holida uxlayversin", dedilar.
Imom Termiziy rivoyat qilgan
hadisda Ali roziyallohu anhu
shunday deydi: Rasululloh
sollallohu alayhi va sallam
bizga junublikdan boshqa
hamma holatlarida Qur'onni
ta'lim beraverar edilar.
Sharh:
Rasululloh sollallohu alayhi va
sallam ahliga yaqinlashib, keyin
yana yaqinlashmoqchi bo'lgan
kishini orada bir tahorat olishga
buyurganlar, zero bu bilan
insonga yana kuch-quvvat,
tetiklik qaytadi, poklanadi va bu
amalda biz bilmagan yana
qancha hikmatlar bor.
Shuningdek, Rosululloh
sollallohu alayhi va sallam junub
holida uxlamoqchi bo'lgan
kishini avval tahorat olib, keyin
uxlashga yo'llaganlar. Junub kishi
to g'usl qilmagunicha Qur'onni
ham ushlamaydi, yoddan ham
o'qimaydi.
Bugungi darsdan olinadigan
foydalar:
1- Ahliga yaqinlashib, g'usl
qilishdan avval yana
yaqinlashmoqchi bo'lgan kishi
tahorat olib, keyin yaqinlashishi
sunnatdir.
2- Kishi junub holatida
uxlamoqchi bo'lsa, tahorat olib,
keyin uxlashi sunnatdir.
3- Junub odam g'usl qilmasidan
turib Qur'on o'qishi haromdir.