"XAROBADAGI ARVOH" 2-qism
- Категории: SeriaL Xikoyalar
- Название: "XAROBADAGI ARVOH" 2-qism
- Дата релиза: 21-02-16, 21:44
Cholning hikoyasi.
Jazirama quyosh oftobi pasaya
boshlagan ,osmondagi yakkam
dukkam bulutlar pishgan
quymoqdek qizara boshlagan
paytda qal’a tepasida
issiq,lekin,mayi yel esdi. Keng
yalanglik bo’ylab do’ppaygan
qabrlar boshiga qo’yilgan
marmar toshlar,yog’och
panjaralar,mungli
qiyshayib,qurigan yantoq va
tikanaklarga burkangancha
atrofga hazing va sirli jimlik solib
turardi. Bu sukunatni ortimdan
eshitilgan qariyaning ovozi
buzdi. - Xush kelibsiz mehmon!,
degan tiniq ovoz eshitildi.
Quloqlarim ovoz signallarini
yuborganida miyamning
allaqaysi joyida tiniq ovoz egasi
o’rta yoshlardagi erkak kishi
sifatida gavdalandi. Lekin bu
taxmin lahzaning ma’lum
ulushidayoq o’zini oqlamadi.
Ortimga o’girilganimda esa yaqin
oradagi taroshlangan tosh ustida
keksa mo’ysafid o’tirardi.
Ko’rinishidan cho’pon ekan
shekilli qo’lida qo’ychivonlarning
uzun tayog’i bor edi. - Rahmat
hushvaqt bo’ling, dedim
hayollarga berilib ketganimdan
uning shundoqqina ortimga
kelib o’tirganini ham
sezmaganimdan hayratlanib. -
Salomat bo’ling, dedi mo’ysafid
qo’li bilan qordek oppoq uzun
soqolini silarkan- siz usha rais
buvanikida turgan jurnalist yigit
bo’lsangiz kerak?! - Topdingiz
otaxon,men usha jurnalist
yigitman. - Xush bizning
biyobonlarga qaysi shamol
uchirdi sizni?-dedi qo’li bilan
qarshisidagi omonatgina eski
kundaga o’tirishimni imo qilib-
qayerlardan keldingiz? Cholning
savoli menda men haqimda
hamma narsani biladi-
yu,lekin,o’zini bilmaganga
solib,gumonlarini tasdiqlamoqchi
bo’lgan kishidek taassurot
uyg’otdi. Balki,rostdan ham nima
maqsadda kelganimni ,kimligimni
bilmas,yana kim biladi deysiz! -
Men azim Toshkentdan
keldim,kasbim journalist-dediim
cholning oppoq,o’siq qoshlari
orasidan termulib turgan o’tkir
ko’zlariga tikilarkanman-ismim
Siroj, sizning qishlog’ingiz
qanaqadur biyobon
emas,aksincha shinamgina
manzil, go’zal go’sha, buning
ustiga hali o’rganilmagan sirli
tarix. Qishlog’ingizning dovrug’I
poytaxtgacha yetib bordiki, men
kabi qiziqqon jurnalistni
yetaklab, mana ko’rib turibsiz
shu yergacha olib keldi. Chol
miyig’ida kulib qo’ydi. Lablari
orasidan hali taxi buzilmagan
sadafdek tishlari ko’rindi. -
Maqsadim qishlog’ingiz
tarixini,qolaversa-dedim qo’lim
bilan xaroba devorlarni
ko’rsatib-mana bu ko’hna
Dabussiya qal’asini o’rganish.
Bundan tashqari meni bu
yerdagi turli sir sinoatlar,bir
biridan qiziqarli asotir va
afsonalar ham juda qiziqtiradi.
Men ko’hna qal’a va undagi
sinoatlar haqida maqola
yozmoqchiman,shu sabab uni o’z
ko’zim bilan ko’rish, yerlik aholi
bilan suhbatlashib,qal’a haqidagi
qiziqarli ma’lumotlar, sirli afsona
va voqealarni bilish uchun ham
yo’lga otlandim. - Xush
maqsadingizga yetdingizmi?,
so’radi chol sinchkovlik bilan
menga qarab turarkan-sizni
qiziqtirgan hamma narsani
bilvoldingizmi? - Yoq hali
ulgurmadim,uzoq yo’l holdan
toydirgan ekanmi, kelganimdan
so’ng bir necha kun lohas bo’lib
yurdim,mana bugun ko’chaga
chiqib , qal’aga ekskursiya
uyushtirdim. To’g’risi,
qishlog’ingiz va undagi
mehribon odamlar menga juda
yoqdi. Lekin, bu ko’hna qal’a
menga haligacha sirliligicha
qolmoqda, u haqida biror
kimsadan batafsil ma’lumot
eshitganim yo’q. siz ko’pni
ko’rgan kishiga o’xsar mumkin
bo’lsa Dabussiya haqidagi barcha
bilganlaringizni menga so’zlab
bersangiz otaxon. Mo’ysafidning
soqolini shamol silab o’tdi, o’tkir
ko’zlarini avvaliga xaroba paxsa
devorlarga,undan keyin pastda
yastanib yotgan qabristonga,
so’ng peshinga tomon og’a
boshlagan quyoshga qadadi. -
Albatta agar qo’y qo’zilaringiz
uzoqqa ketib qolmasa,dedim
uning harakatidan kech
tushyapti,qo’ylarni ortga
qaytarish kerak,degan ma’noni
o’qiganim uchun. - Yo’q dedi chol
qat’iy ohangda-men qal’a haqida
o’zim bilganlarimning hammasini
senga gapirib beraman dedi. Men
bu hikoyalarni ajdodlarimdan
eshitganman, ularni o’zim bilan
olib ketish niyatim yo’q. agar ular
kitoblarga miuhrlanib
kimlargadur foydasi
tegsa,maqsadga muvofiq bo’ladi.
Mo’ysafidning ovozini yozib
olish uchun tezda telefonim
menyusidan kerakli dasturni
topib,aktiv holatga qo’ydim. - Bu
ko’hna qal’a ikki ming yillik
tarixga ega. U qadim
ajdodlarimizning ilk
manzillaridan biri bo’lgan bo’lsa
ajabmas. Ko’rib turganingizdek
obida tepalik ustida bunyod
etilgan- so’zida davom etti chol,
bu xarobalar qachonlardir
mustahkam, inshoot bo’lgan,
teplikda bunyod etilgani
qal’adagilarga atrofni bemalol
kuzatish imkonini bergan.
Mobodo dushman xavfi
tug’ilgudek bo’lsa,askarlar ulrnio
ancha avval payqashgan,
dushman yetib kelgunicha ular
kerakli harbiy tayyorgarlikni
ko’rishga ulgurishgan. Bundan
tashqari qal’a ostidan oqib
o’tuvchi mana bu chuqur va
keng ariq ham dushmanga
yaxshigina to’siq, qal’adagilarga
esa ishonchli himoya vazifasini
o’tagan. Darhaqiqat, qal’a
devorlari bo’ylab oqib o’tgan
loyqa aralash to’lib oqayotgan
katta ariqqa endi e’tibor berdim.
- Qal’a qanday qilib xarobaga
aylangan,uni kimdur buzganmi?-
deb so’radim o’tkir ko’zlarini
nuragan devorlarga qadab
hikoya so’zlayotgan mo’ysafidga
qarab. - Shunday , deb ma’qulladi
chol, mo’g’ullar hukumdori
Chingizxon Buxoroni egallash
uchun ketayotganida shu qal’ani
ham bosib olgan ,ayovsiz jang
bo’lgan. Mana bu ko’rib
turganingiz ulkan toshlar
katapulta yordamida qal’aga
uloqtirilgan va u xarobaga
aylangan. Qamaldagilar
mardonavor qarshilik
ko’rsatishgan,biroq, kuchlar teng
bo’lmagani uchun qal’a
yengilgan. Atrofga nazar
tashladim va butun qal’a bo’ylab
hali yo’limda uchratgan toshlar
betartib sochilib, yarim tuproqqa
ko’milib yotardi. Qarshimdagi
otaxon ham shu toshlardan
birining ustida o’tirardi. - Shu
tariqa qal’a xarobaga aylangan –
biroz sukutdan so’ng so’zida
davom etdi chol. Qirg’in shu
qadar dahshatli bo’ganki, mo’g’ul
hukumdori bu yerda shavqatsiz
qatliom uyushtirgan. Qal’a
vayron etilgandan keyin bu
yerdagi yuzlab begunoh odamlar
qilichdan o’tkazilgan, hatto,
ayollar va bolalarga ham shavqat
qilinmagan. Chol xuddi qatliomni
o’z ko’zi biloan ko’rayotgandek
g’azabdan yuzlari qizardi. Qo’llari
musht bo’lib tuguldi. Aqlli ko’zlari
bir nuqtaga tikildi. - Shundan
so’ng ,dedi nihoyat chol- qal’a
yonida mana siz pastda ko’rib
turgan go’riston paydo bo’lgan.
Bu – bepoyon go’riston! Har bir
qarichida begunoh qoni to’kilgan
ajdodlarimizning hoki bor.
Aytishlaricha, go’ristonning tarixi
mo’g’ul bosqini bilan
boshlanarkan. Demak, bu joy
usha qatliom sabab paydo
bo’lgan. - Otaxon, moi’g’ullar
nega bu qal’ani bunchalik
xarobaga aylantirgan, nega
odamlarni qilichdan o’tkazgan,
umuman nega qal’ani bosib
olgan. - Aytishlaricha, qal’a
hukumdorining go’zallikda tengi
yo’q yakkayu yolg’iz Maknuna
ismli qizi bo’lgan. Mo’g’ul
hukumdori Chingizxon qaysi
mamlakatni bosib olsa, u yerdagi
eng suluv qizlarni xaramiga
olgan ekan. Husn bobida tengi
yo’q Dabussiya malikasining
dovrug’I ham Buxoro tomonga
yo’la olgan Chingizxonning
qulog’iga yetib boradi. Mo’g’ul
hukumdori avvaliga qal’aga elchi
yuboradi. Tinch yo’l bilan taslim
bo’lishni ,yo’qsa, qal’aning kulini
ko’kka sovurishini ham
ta’kidlaydi. Elchilarni
Maknunaning o’zi qabul
qiladi,chunki,bu paytda uzoq
yillar davlatni boshqargan
malikaning otasi og’ir kasallikka
chalinib o’lim to’shagida yotardi.
Onasi esa ancha yillar oldin
dunyodan o’tgan edi. Maknuna
elchilarga keskin rad javobini
beradi. Qonxo’r hukumdorga
bo’yin eggandan ko’ra
yirtqichlarga yem bo’lishni afzal
bilaman. Mening orqamda
xalqimning sha’ni ,iymoni
turibdi, shunday ekan nomus va
or uchun oxirgi qonimiz
qolguncha kurashamiz-degan
ekan usha paytda malika elchi
orqali mo’g’ul hukumdoriga.
Keskin rad javobnini olgan
elchilar Chingizxon huzuriga
qaytib unga bo’lgan voqeani
aytib berishibdi, elchilar
malikaning chiroyda tengi yo’q
go’zal eknaligini ham o’z ko’zlari
bilan ko’rishgan edi. ‘’Oliy
himmat”i keskin rad etilgan
hukumdor g’azab otiga minibdi
va qo’shinni jangga tayyorgarlik
ko’rishga buyruq beribdi. Tepalik
yaqiniga istehkom qurishibdi.
Qal’a ancha mustahkam bo’lgani
uchun uni osongina bosib olib
bo’lmasligini tushungan
Chingizxon bir hafta tinimsiz
harbiy tayyorgarlik ko’radi. Bu
orada qal’a himoyachilar ham jim
turishmaydi, ular ham qo’rg’’onni
yanada mustakamlab, qurol
yarog’ tayyorlashadi.
Askarlardan tashqari ko’ngilli
xalq qo’shini to’planadi. Qal’aning
baland devorlari bo’ylab sipohlar
qo’yiladi va ular yetarli qurol-
yarog’ bilan ta’minlanadi. Barcha
darvozalar tanballanib, ariq
ustidagi temir ko’priklar
ko’tariladi. Qal’a mustahkam
harbiy inshootga aylanadi. Bu
ishlarga shaxsan Maknunaning
o’zi rahbarlik qiladi. Lekin ,
qanchalik dovyurak bo’lishiga
qramay, u ham ayol edi. Malika
harbiy ishda tajribasi kam
bo’lgani uchun g’animga yetarli
baho bermaydi. Kuchlar noteng,
dushman himoyachilarga
qaraganda katta ustunlikka ega
edi; ham qo’shin jihatidan ham
harbiy texnika tomonidan
ustunlik ularda edi. Balki ushanda
malika baribir mag’lub bo’lishini,
kuchlar orasidagi farq nihoyatda
katta ekanligini ich ichidan
anglagandur,lekin,
vatanparvarlik tuyg’usi, or va
nomusini himoya qilish uning
jasoratiga jasorat, kuchiga kuch
qo’shgan bo’lishi tayin. Qal’a
mardonavor qarshilik ko’rsatdi.
Dushman himoyachilar uchun
mutlaqo begona qurol- katapulta
yordamida qal’aga sanoqsiz
ulkan toshlarni irg’itar, har bir
tosh qal’ada kuchli portlashdek
xarobalardan iborat iz qoldirardi.
Toshlar qo’rg’onni ilma teshik
qildi, odamlarni bosib qoldi, qal’a
devorlarini ayovsiz qulatdi.
Temir darvozalar buzildi, yog’och
darvozalar chil chil sindi. Mo’g’ul
hukumdori shaharni
egallagandan so’ng aholini
qilichdan o’tkazadi, Maknunaga
esa bosh egib xoqonning
taklifini qabul qilish uchun yana
bir imkoniyat beriladi. Malika esa
qotlga bo’ysunishdan ko’ra
o’limni afzal biladi. G’azabga
mingan hukumdor jahl ustida
malikani qafasida saqlayotgan
yirtqich maxluqga yem qilishni
buyuradi. - Sen shakkok qiz
mening himmatimni rad etib,
nonko’rlik qilding. Senga oily jazo
beraman, o’zing xohlaganingdek
yirtqichga yem qilaman, degan
ekan usha paytda mo’g’ul
hukumdori. Qizni ushlab,
hukumdorning qafasida
saqlanayotgan dahshatli maxluq
tomon olib ketishayotganda ham
malika o’zining g’ururi va
nomusini saqlab qolgan edi. -
Men sen zolimni duoibad
qilaman, sen oxir oqibat yer
yuzidan nom nishonsiz yo’q
bo’lib ketasan, kelgusi avlod
sening hatto qabringni ham
topisholmaydi-degan edi malika
o’limidan oldin. Mo’g’ul
qo’shinlari qal’ani tashlab
ketishganida bu yerda ulardan
faqat xarobalar qolgan edi. Qal’a
uchun mardonavor kurashgan
qal’a himoyachilarining yuzlab
jasadlari mana shu qabristonga
dafn etilgan, shu tariqa bu yer
odamlarning so’nggi manziliga
aylangan. Aytishlaricha, malika
hali hanuz dahshatli maxluqning
changalidan qutilolmagan,
yirtqich hanuzgacha malikaning
ruhini ta’qib qilib yurar, qizning
arvohi esa goh-gohida
odamlarga ko’rinib uni
qutqarishini so’rab yolvorarkan.
Mo’ysafid shu gaplarni
aytayotganida hayollarimni
allaqachon o’zim boshimdan
o’tkazgan usha dahshatli tun olib
qochgan edi. Demak, malika
mendan uni qutqarishimni
so’raganida afsonaviy maxluqni
nazarda tutgan ekan. Usha
jonzot malikaning hamrohi
emas,balki, uning ruhini
haligacha ta’qib qilib yurgan
o’zga dunyo maxluqi ekan. Usha
dahshatli tunda men malikaning
arvohidan emas, ortimda turgan
dahshatli maxluqotdan
qo’rqishim kerak ekan. Tuman
pardasi qoplagan zulmatda
haqiqat sekin asta oydinlasha
boshladi. - Siz ham Maknunaning
arvohini ko’rganmisiz, deb
so’radim men kabi xotiralari olib
kletgan rangpar cholga tikilib. -
Ko’rganman, dedi nihoyat chol.
Sendek navqiron paytimda men
uni deyarli har kuni ko’rardim.
Asosiy ishim qo’y qo’zilarni
boqish, cho’pon bo’lganim uchun
butun umrim mana shu tepalik
va xarobalarda o’tgan. Ayni
navqiron kunlarimning birida ,
tunda uni mana shu go’ristonda
ko’rdim, deya bir qo’li bilan
pastga imo qildi. Shu tobda katta
qismini oddiy xalq tilida jangal
deydigan tikanakli qurigan
butalar bilan qoplangan go’riston
menga vahimali tuyilib ketdi. -
Arvoh havoda muallaq turar,
uning ortidan kelayotgan
maxluq dahshatli ko’rinishda
ekanligi xira shirada ko’rinib
turar, ko’zlari qip qizil cho’g’dek
yonardi. Men dahshatdan muzlab
qolayozdim, usha paytda
qurigan xashak ustiga
yiqilganimni eslayman xolos,
keyin uyda ko’zimni ochdim,
rahmatli ota onam meni kech
qolib ketganimdan havotirlanib
tepalikgacha qidirib kelishgan va
mana shu yerdan xushsiz holda
topishgan ekan. Ota onamning
qaratmagan domlasi,
ko’rsatmagan folbini qolmagan
edi ushanda. Naqd bir hafta
deganda o’zimni o’nglab oldim,
lekin usha voqeadan keyin
malikaning arvohi har kecha
tushimga kirib uni qutqarishimni
so’rab yolvorardi. Folbinlar tili
bilan aytganda, tepalikda meni
“jinlar chalgan”dan so’ng ota
onam meni hech qayerga
chiqarmay qo’ydi. Lekin,
arvohning yolvorishlari kundan
kun kuchaysa kuchayardiki, also
kamaymas, uyqumni, tunlarimni,
halovatimni o’g’irlagan edi. Bir
kuni tushimda uni nimadan
qutqarishimni, buning uchun
nima qilishim kerakligini
so’radim. Arvoh ming yillardan
beri o’zini ta’qib qilib kelayotgan
dahshatli maxluqdan
qutqarishini, ruhini uning
changalidan ozod qilishini
so’radi. Buning uchun nima
qilishim kerak, dedim. U esa, oy
to’lgan kechada jangal bosgan
ko’han qabristonga kelishimni
tayinladi. Oy to’lgan kechada
maxluq haqiqatga aylanadi,
haqiqiy yirtqichdek real hayotga
qaytadi. Uni faqat to’lin oy
yog’dusida mag’lub etish
mumkin, oxirgi so’zlarini arvoh
qayta qayta takrorladi. Chol
hikoyasining shu joyiga
kelganida to’xtab qoldi. Oppoq
yuzidan ikkilanish ifodasini
ilg’adim. Chol menga hikoyaning
davomini aytish yoki aytmaslik
haqida o’ylayotgandek tuyulib
ketdi. Ko’rinishiga nisbatan
ancha yosh bo’lgan sergak , aqlli
ko’zlari menga qadalgan ,lekin,
hayollari olis yoshligining
dahshatli xotiralari qamrovida
edi. U hozir usha paytdagi
hayajonini boshidan
o’tkazayotgandek edi go’yo. -
Keyinchi ?! – dedim nihoyat uzoq
jimlikni buzishga jur’at etib. - U
menga faqat shu so’zlarnigina
aytdi – dedi , ovozining
qaltirashini sezib qoldim. - Xo’sh,
keyin arvoh aytgan joyga
bordingizmi?, dedim so’zlarimni
yovvoyi tikanak butalar
qoplagan eski go’ristonga qadab.
- Uzur boloajonim, dedi chol
qo’llari bilan tizzasini silarkan-
buyog’ini senga aytolmayman! -
Nega?, dedim sirli voqea nima
bilan tugaganini bilishga qiziqib
qolgan edim. Chol savolimga
javob bermadi. Yana usha bir
necha daqiqalik sukut davom
etdi. Uning ko’zlaridan
hikoyaning davomi nima bilan
tugaganligini bilib olishga
urindim, lekin, qat’iy ko’zlar meni
biror ma’no uqib olishimga yo’l
bermadi. Chol dahshatli
kechinmalarining oxiri nima
bilan tugaganligini aytishni
xohlamadi, demnak, uni bunday
qilishga undagan arzirli sabab
bo’lishi kerak, lekinj, qanday
sabab? U arvoh chaqirgan joyga
bordimi? Maxluqni mag’lub
etaoldimi? Yoki bo’lmasa
vahimadan yuragini hovuchlab
uyida biqinib yottimikan? Agar,
chol chol aytib bergan hikoya
rost bo’lsa, maxluq hanuzgacha
oy to’lgan kechada haqiqatga
aylanadimi? Miyamda bir biridan
sirli va dahshatli savollar guvillay
boshladi. Agar, qizning arvohini
ko’zim bilan ko’rmaganimda
hozir bu mo’ysafid aytib bergan
sinoatni shunchaki cho’pchakka
yo’yishim, unga ishonmagan
bo’lishim mumkin edi. Balki,
avval boshdan,ya’ni buy
yerlarga kelmasimdan oldin
arvoh borligiga
ishongandurman,balki, shuning
uchun u mening ham ko’zimga
ko’ringandur?! Bu paytda
quyosh g’arbdagi olis tog’lar
tomon bosh qo’yayotgan, ufni
qizg’ish xiralik egallab, atrof
mungli sukunatga cho’mgan edi.
Cholning hikoyani davomini
aytishidan umid yo’q. O’rnimdan
turib sevimli manzaram- quyosh
botishini tomosha qilish uchun
osmon tandirida qip qizil bo’lib
pishgan, olis tog’lar tobora yutib
yuborayotgandek g’arbga
tomon bota boshlagan quyoshni
tomosha qildim. Negadur shu
manzarani ko’rsam vujudimni
allanechuk tuyg’ular egallab
oladi… Jonli fotosuratni tomosha
qilib bahra olayotganimda
quloqlarim ostida tanish ovoz
yangradi. - O’g’lim bu yerdan
tezroq ket!
Смс Шерлар