"XAROBADAGI ARVOH" 3-qism
- Категории: SeriaL Xikoyalar
- Название: "XAROBADAGI ARVOH" 3-qism
- Дата релиза: 21-02-16, 21:44
Uch kun.
Ham iltimos, ham buyruq
ohangida ytilgan bu so’zlar
ortimda turgan cholga tegishli
edi. - Nega?! –dedim hayratdan
va ortimga o’girildim. Chol
o’tirgan joyida yo’q edi.
Tepalikdan turib pastga olib
tushadigan so’qmoqqa, xaroba
devorlar orasiga, pastda
podasini uyiga yetaklab
ketayotgan cho’ponlarga va
hatto kun botish arafasida
qo’rqinchli tusga kira boshlagan
go’ristonga ham qaradim. Chol
yerda ham ko’kda ham yo’q.
Quloqlarim ostida esa uning
oxirgi hayratomuz so’zlari
jaranglardi: bu yerdan tezro ket!
Bu g’alati cholning hatto ismini
ham so’rashga ulgurmadim.
O’ylashimcha , kech tushayotgani
uchuhn qo’ylarini qo’tongfa
haydab ketgan. Juda chaqqon
chol ekan , bir pasda ko’zdan
g’oyib bo’ldi-ya. Lekin, u nega
meni ketishimni xohlayapti?
Balki, buning tagida ham
qandaydur sir bordur, yoki u
meni biron bir xatardan
ogohlantirmoqchi bo’ldimi? Buni
albatta o’zidan so’rashim kerak!
Nima bo’lganda ham men bu sir
sinoatlarning oxiriga
yetmagunimcha ortimga
qaytolmayman. Malikaning
arvohini do’zax maxluqidan
qutqarish mening yukimga
tushgan ekan, buni albatta
nihoyasiga yetkazishim kerak.
Qolaversa, bu sinoatlarni oxirgi
nuqtasigacha yetolsam,
kitobxonlarim uchun xarobadagi
arvoh haqida yaxshigina hikoya
ham yozishim mumkin. Shunday
ekan bu yerdagi sarguzashtlarni
tashlab ketish borasidfa gap ham
bo’lishi mumkin emas! Bu
hayollarni boshimdan
o’tkazayotganimda atrofni
allaqachon qorong’ulik pardasi
qoplagan, ortimda qolayotgan
tepalik va eski qal’a qorong’uda
vahimali tus ola boshlagandi.
Tekislikdagi tor so’qmoq yo’ldan
tikanaklarni oralab rais hovlisi
tomon yaqinlashdim. Uzoqdan
mitti chiroqni ko’tarib kelayotgan
qora sharpani ilg’adim. U men
tomonga qarab kelardi. Nahotki,
yana bir arvohni uchratsam?,
hayolimdan o’tkazdim. Lekin,
tobora yaqinlashganim sari u
erkak kishining gavdasi ekanini
sezdim. Bu Tursunboy aka edi, u
kech qolib ketganim uchun
havotir olib meni izlab chiqqan
edi. O’zi bilan ko’tarib kelgan
ixcham kerosin fonus yorug’ida
rais hovlisigacha eson omon
yetib oldik. Rais buvanin rafiqasi
Xolida achchiq mastava bilan
bizni kutib oldi. Kechki ovqatdan
so’ng raisdan bugun uchratgan
cho’pon qariya haqida so’radim.
Ismini bilmasamda, uni harchand
tasvirlamay, rais qishloqda
bunaqa cho’pon borligini
eslolmadi. - Bu yerdagilarning
ko’pchiligi chorvachilik bilan
shug’ullanadi, balki bo’lsa
bordur,lekin, bu atrofda siz
tasvirlagan mo’ysafid
yashamasligiga ishonchim komil.
Rais buvani ortiq qistovga
tutmadim. Yaxshisi, ertaga
tushdan so’ng yana qal’aga
ko’tarilaman, balki, cholni yana
uchratarman. Hamma
savollarimga faqat u javob
beroladi. Ertalab uyg’onganimda
o’zimni behol his qilmadim, lekin
yaxshi uxlolmadim ham. Tunda
yana malikaning arvohi
tushimga kirdi. Tong otgach
ko’rgan tushimni qanchalik
eslashga urinmayin, eslolmadim.
Ko’z oldimda qolgani faqat
arvohning bilinar –bilinmas xira
tasviri, ilang bilang yo’llar va
qorong’ulik… Kunning
yarmigacha yozishga arzigulik
deyarli hech nima ro’y bermadi.
Tursunboy aka ham uyda
bemalol bo’lishimni, agar
xohlasam qishloqni tomosha
qilib kelishimni tayinlab,
zerikmasligim uchun Nabijon
ismli kenja o’g’lini yonimga
qo’yib,qayergadur majlisga ketdi.
Tushlikgacha Nabijon bilan
kompyuterimdan allaqanday
mistik filmlarni tomosha
qildik,lekin, hayolim o’zimning
boshimdan o’tkazayotgan
mistikada edi. Hozir men uchun
bundan boshqa qiziqarli sinoat
yo’q edi. Tushlik qilib bo’lib , qal’a
tomon ko’tarilmoqchi
bo’ldim,biroq, bu paytda saraton
oftobi olamni kuydirar, tepalik va
qum bosgan qal’adan jazirama
hovurli to’lqin ko’tarilar edi. Bu
issiqda qal’adan kechagi
cho’ponni topishimga ko’zim
yetmadi. Shuning uchun biroz
mizg’ib olishni foydadan holi
bo’lmaydi deb hisoblab ,
derazalariga oq surp qoplangan
,qop qorong’u, muzdekkina
mehmonxonaga kirib kettim. Ikki
soatlar chamasi dam olganimga
qaramasdan, yana tush ko’rdim,
lekin bus afar tushimda arvoh
qizni emas, oppoq soqoli
shamolda titrayotgan , rangpar
cho’pon qariyani ko’rdim. U eski
qal’a ustida turib, meni bu
yerdan ketishimni imo qilardi.
Nega ketishim kerak, nima
uchun? , dedim bor ovozim
bilan,lekin , bu ovoz
tafakkurimdagina qolib ketti.
Men umuman qimirlay olmasdim.
Cholni ko’rib turardim, men
pastda , u tepada, qal’a ustida
edi. Harchand bu da’vatlarning
sababini so’rashga urinmay,
baribir gapirolmas, og’zimni
qimirlatolmasdim. Quyosh
peshinga tomon oqqanida
uyg’ondim. Ko’rgan tushimning
ta’birini o’zimcha izohladim,
demak, bugun yana chol bilan
ko’risharkanman. Atrofda
birmuncha salqin shamol esa
boshlaganda, men qal’a ustida,
kecha chol bilan gaplashgan
joyimda turardim. Qariyaning
kelishiga deyarli ishonchim komil
edi, bugun meni qiynayotgan,
men uchun tushunarsiz, sirli
qolayotgan barcha savollarimga
undan javob olmoqchi edim.
Yo’nilgan tosh ustida o’tirib bu
sinoatlar haqida ancha bosh
qotirdim. Jazirama haroratdan
so’ng esayotgan salqin shamol
yaqin orada tosh va qum
uyumlari bo’ylab o’sgan
yantoqlarni shivirlatardi. Atrof
jimlikni , faqat nuragan paxsa
devorlarga in qurgan
qushlarning chug’urlashi-yu,
yaqinorada o’tlab yurgan
sanoqsiz qo’y qo’zilarning
ma’rashigina buzardi xolos.
Pastda yastanib yotgan , ayrim
joylari obod qilingan, ayrim
joylari esa qarovsiz ahvolda
jangal bosgan ko’hna mozor ham
sukunat og’ushida edi. O’zbek
qabristoni qanchalik vahimali
ko’rinsa, shunchalik hokisor va
sinoatga boy. Barcha umidlarim
chippakka chiqdi, chol bugun
kelmadi. Balki, ko’chmanchi
cho’pondur-bir zum hayolimdan
o’tkazdim. U haqida deyarli hech
nima bilmaganim uchun fikrlarim
javob izlab har tomonga
yetaklay boshladi. Shu yaqin
atrofda turaman degandi, uning
imkoniyatini hisobga olsam,
qo’ylarini uzoqqa olib
ketolmaydi. Balki bugun
tepalikka chiqishga erinib,
pastda, biron yalanglikda boqib
yurgandur, degan hayol bilan
o’rnimdan turib eng baland
xaroba devoir ustiga chiqib
oldim va atrofni obdon ko’zdan
kechirdim. Barcha qo’ychivonlar
yosh yalanglar, o’rta yoshlilar,
nari borsa boshiga do’ppi kiygan
qariyalar edi. Ularning orasida
men izlagan chol ko’rinmasdi.
Bugun cholni uchratishimga
ishonchim komil ediki, qal’aga
ko’tarilganimdan keying o’tgan
vaqt ichida ishonchim ehtimolga,
ehtimol gumonga aylandi.
Shunday bo’lsada uni yana biroz
kutishga qaror qildim. Quyosh
million yillardan beri
takrorlaydigan odatiy
mashg’ulotini bus afar ham
shoshmasdan bajara boshladi:
kun botardi. Ishonchdan
gumonga aylangan umid,endi
ishonchsizlikka aylandi. Cholning
kelishidan umidimni uzdim. Bir
zum sevimli manzaramni ,
quyoshning qizg’ish nurlar
og’ushida tog’lar ortiga bosh
qo’yishini tomosha qilib turdim.
Kun botgach, endi bu yerda
turishimdan foyda yo’q edi.
Hovliga qaytishim kerak! Rais
hovlisiga kechagi paytda yetib
bordim. Hali Tursunboy aka
majlisdan qaytmagan, ayvonda,
xontaxta atrofida raisning
rafiqasi va kenja o’g’li Nabijon
o’tirardi. Og’ir temir eshikning
g’iyqillashidan ular men
kelganimni sezishdi, Nabijon
yugurib borib ayvondagi
vklyuchateldan hovli turidagi
chiroqni yoqdi. Ovqatlanib
bo’lgach Xolida opaning ilmiy
izlanishlar qanday ketayotganligi
haqidagi bir necha savoliga
naridan beri javob berib,
mehmonxonaga shoshildim. Bu
qishloqqa kelganimdan beri
boshimdan o’tkazgan barcha
g’aroyib voqealarni, sinoatlar va
dahshatli tushlarimni kunma kun
kompyuterda qayd qilib
boryapman. Afsuski, bugun
hikoyamni boyitish uchun biror
sirli hodisaga ,hatto arvohga
bo’lsa ham dush kelmadim.
Barcha sirlarning kaliti bo’lgan
chol esa kelmadi.
Смс Шерлар