"XAROBADAGI ARVOH" 4-qism
- Категории: SeriaL Xikoyalar
- Название: "XAROBADAGI ARVOH" 4-qism
- Дата релиза: 21-02-16, 21:45
Notanish ayol
Keyingi uch kun shu zaylda o’tdi.
Ajablanarlisi, bezovta arvoh uch
kun ichida biror marta ham
tushimga kirmadi. Umuman hech
qanday tush ko’rmadim, uyqun
tinch, uyg’oqligim tetik edi. Vaqt
o’tib borar, bu sinoatlarga
qiziqishim ham tobora kuchayib
ketaverardi. Endi menda avvalgi
qo’rquvdan asar qolmagan,
to’g’rirog’I, arvoh beziyon
ekanligiga cholning hikoyasidan
keyin ishonch hosil qildim, endi
unga rahmim kelardi. Meni faqat
qanchalik qudratga ega ekanligi,
nimalarga qodirligi noma’lum
bo’lgan sirli maxluq biroz
vahimaga solardi. O’tgan uch kun
ichida cholni qidirib qal’aga
borishni kanda qilmadim.
Nazdimda hamma kalitlarning
javobi cholda edi. Qariyani endi
tepalikdan, yantoqzor kenglikdan
ham, izlay boshladim. Yaqin
orada qo’y qo’zilarini o’tlatib
yurgan notanish cho’pondan
ham chol haqida so’radim.
Ammo, u ham men tasvirlagan
qariyani tanimasligini, bunaqa
odamni bu yaqin atrofda
uchratmaganini aytdi.
Qidiruvlarim besamar ketdi. Shu
uch kun ichida hikoyamga ham
biror arzirli gap yozmadim. Men
uchun sinoatlarsiz hayot zerikarli
edi. Qal’ada ham, tepalikda ham ,
uning atrofida ham, hatto isiriq
va yantoqzordan iborat
tekislikda ham, qari cho’ponning
o’zini ko’rish u yoqda tursin izini
ham topolmadim. Buning ustiga
shunday yoshi ulug’ odamni
hech kim tanimasligi g’alati.
Nihoyat uchinchi kun deganda
,meni hayrat va hayajonga
solgan, misli ko’rilmagan sinoat
yuz berdi. Usha kuni ertalabki
salqinda tepalik ortidagio eski
qabristonga bormoqchi bo’ldim.
Cholni topishdan deyarli
umidimni uzgan bo’lsamda,
ko’nglim taskin topishi uchun
oxirgi manzil – go’ristondan ham
uni qidirishni maqsad qildim.
Baland tog’lar bilan o’ralgan
qishloqda quyosh bosh ko’tara
boshlaganida men ham hovlidan
chiqdim. Tepalikni aylanib
o’tgunimcha ancha vaqt ketib,
havo isib ketishi mumkin edi.
Shuning uchun, yuqoriga, qal’aga
ko’tarilib.bepoyon go’ristonni
obdon ko’zdan kechira
boshladim. Mozorning katta
qismi xaroba ahvolda, jangal,
qurigan hashak va qamishlar
biolan ko’milib ketgan, bir qismi
obod qilingan, ayrimlariga xotira
toshlari qo’yilgandi. Marmar
toshlar endi chiqib kelayotgan
quyoshning ilk qizg’ish nurlari
ta’sirida yaltirab ko’rinardi. Eski
qabrda yakkam dukkam o’sgan
archa ,terak kabi daraxtlar
go’ristondagi yaqona yashillik
edi xolos. Qo’limga yaqin orada
cho’ponlar unutib qoldirgan
tayoqni olib, xuddi ulardek
belimdan o’tkazib oldim.
Qabristonda sukunat hukumron
edi, atrof jimlikni yozda ham
uchib ketmagan qarg’aning
ovozi buzardi. Bepoyon
go’ristonda bir zog’ ko’rinmasdi,
faqat uzoq uzoqlarda qo’ylarini
o’tlatib yurgan cho’ponlarning
qorasi ko’rinardi. Katta kichik
marmar toshlar qo’yilgan qabrlar
oralab yurarkanman, menga
nisbatan sal nariroqda turgan
qabr e’tiborimni tortdi. Qabr
baland panjara bilan o’ralgan
bo’lib, bosh qismiga temirdan
yasalgan inson panjasi uzun
cho’pning uchiga qotirib
qo’yilgandi. Boshqa qabrlardan
ajralib turgan bu mozor kimga
tegishli ekanligiga qiziqdim. Eski
marmar toshga qarab, ham
dahshatga tushdim, ham
hayratdan yoqa ushladim. Qabr
egasini darrov tanidim, marmar
toshga men izlayotgan cholning
yoshlikdagi surati chizilgandi.
Uni ko’zlaridan tanidim, mohirlik
bilan chizilgan suratdagi usha
o’tkir va aqlli ko’zlar hozir ham
menga qarab turardi. Yantoqzor
tekislikga yong’oqdek sochilgan
katta kichik qabrlar orasida bir
zum nima qilishimni bilmay eski
mozor boshida serrayib qoldim.
Yuragimni bir zum qo’rquv
changallagandek ezg’ilay
boshladi. Yon atrofdagi barcha
hashoratlar tanamga yopiriliub
chiqayotgandek, vujudimni
minglab chimchilashlar egallab
oldi. Surat esa hamon xuddi tirik
odamdek menga qarab turardi.
Bu yana qanday sinoat bo’ldi?
Kuni kecha ytuzma yuz
gaplashgan cholning qabrini
bugun xotira toshiga yoshlikdagi
surati chizilgan eski qabrdan
topsam. Yo alxazar!
Tosh qarshisida o’tirib
marxumning, jamiki
o’tganlarning haqiga tilovat
qildim.
Eski qabrning boshiga pishiq
g’ishtdan gumbazli xotira
monumenti bunyod etilgan
bo’lib, gumbazning qoq
o’rtasidagi kichik marmar toshga
cholning yoshlik surati, surat
tagiga Xoliqov Rahim, uning
tug’ilgan va vafot etgan yili
yozilgan yozuv bor edi. Gumbaz
bunyod etilganiga ancha vaqt
bo’lgandi,chunki, uning pishiq
g’ishtlari nurab, bir qismi to’kilib
tushgan , qabr atrofiga
o’rnatilgan temir panjara esa
zanglab ketgandi. Qabrning
boshqa mozorlarga nisbatan
ozodaligi, tikanak va
qamishlardan tozalab turilganiga
qarab, marhumning yaqinlari tez
tez bu yerga kelib, undan xabar
olib turishini bilish mumkin edi.
Lekin nega odam panjasi
shaklidagi temir bo’lagining
qabrga sanchib qo’yilganiga
aqlim yetmadi. Umuman, hozir
men duch kelgan g’aroyib holat
fikrlarimni to’zg’itib yuborgandi,
hozir biror narsani izohlashga
qodir emasdim. Bu voqealarga
qanchalik sho’ng’ib borsam,
qiziqishim ham brogan sari ortib
borardi. Nima bo’lganda ham
cholni topdimku,dedim o’zimga
o’zim, biroq, u mening
savollarimga javob berishga ojiz
edi. Endi nima qilishimni ,
qayerdan javob izlashni
bilmasdan boshim qotib
turganida, shundoqqina ortimda
jaranglagan ayol kishining ovozi
chop’chitib yubordi. O’rnimdan
turib ming xil dahshatli hayol
bilan ortimga o’girildim,
hayriyatki, qarshimda arvoh
emas tirik odam turardi. Bir zum
dahshatga tushishim tabiiy edi,
boshimdan o’tkazgan sirli
hodisalar, bundan tashqari bu
bepoyon, qarovsiz ko’hna
qabriston ham yurakka vahima
solib turardi. Agar hozir
qarshimda o’rta yoshlardagi,
xushbichim kiyingan. Boshiga
yengil rangsiz ro’mol tashlagan,
qo’lida gul ko’targan ayol kishi
emas, oq ridoga o’ralgan, havoda
muallaq turadigan dahshatli
arvoh turganida ham
ajablanmasdim. Go’ristonning
o’zi ham hatto kunduzi yurakka
vahima solib turardi.
- Assalomu alaykum, dedim
menga qarab hayratlanib turgan
ayolga.
- Vaalaykum salom, cho’chitib
yuborganim uchun uzur yigitcha
-dedi va aybini yuvmoqchi
bo’lgandek sekin yelkamga urib
qo’ydi.
Men noqulay ahvolga tushib
g’udrandim. Ayol esa sirli
qabrning boshiga kelib, gumbazli
toshga o’zi bilan olib kelgan
gullarni omonatgina qo’ydi va
sekin cho’kkallab tilovat uchun
qo’lini ochdi. Men ham uning
yoniga o’tirib, yana bir marta
duo o’qidim. Baravariga omin
qildik.
Ayol mendan oldin gap boshladi:
- Sizni ilgari bu yerlarda
ko’rmaganman? Bu yerlikga
o’xshamaysiz?
- Ha to’g’ri, men bu yerlik
emasman, dedim biroz
o’ng’aysizlanib- journalistman,
mana bu qal’a tarixini o’rganish
uchun Toshkentdan keldim.
Ayol qarshimizdagi qal’aga bir
zum qarab oldi.
- Bir haftadan buyon shu
yerdaman, ilmiy maqola
yozyapman, dedim so’zimni
davom ettirib, aytishlaricha,
qal’aning xarob bo’lish tarixi
mana shu mozoristonning paydo
bo’lishi bilan bir vaqtda sodir
bo’lgan ekan. Dabussiya bilan
qabriston tarixi bog’liq bo’lgani
uchun bu yer haqida ham
yozishim kerak. Shu sabab kun
qizib ketmasdan tong saharlab
mozorlarni oralab yurgandim,
dedim ayol bu qabr boshida
nima qilayotganim haqida so’rab
ortiqcha qistovga tutmasligi
uchun.
- Tushunarli, dedi ayol temir
panjara oralab qo’lini cho’zib
endigina ko’kara boshlagan
yashil o’simlikni sug’irib olarkan.
- Siz esa asli shu yerlikga
o’xshaysiz, dedim beparvo gap
tashlab, lekin, shaharda
yashaysiz, marhum akangiz
bo’ladi. Bu yerga shaxsiy
mashinangizda keldingizmi?
Jurnalistik sinchkovligim qo’zib
qoldi va bu xususiyatim begona
ayol bilan yaqindan
suhbatlashib, chol haqida
ma’lumot olish imkonini tug’dirdi.
Harholda, ayol cholga, to’g’rirog’I
qabrdagi erkakga begona
emasdi.
- Qayerdan bildingiz?, dedi ayol
jilmayib va qiziqish bilan menga
boshdan oyoq razm soldi.
- Juda oddiy, dedim ayolni
qiziqtirib qo’yganimdan
zavqlanib, sizni ko’rganimdayoq
yuz ko’zingizda suratdagi
insonga o’xshashlik borligini
sezdim, marmar toshga imo
qilarkanman so’zimda davom
etdim, mozor eski bo’lishiga
qaramay doimiy chim va
tikanaklardan tozalab turilarkan,
demak, siz bu yerga tez tez kelib
turasiz. Ancha yillar oldin, yoshlik
davridayoq vafot etgan
marxumni yo’qlab kim tez tez
kelishi mumkin? Albatta singlisi.
Menimcha u farzandli bo’lishga
ulgurmagan, juda yosh. Uning
vafot etgan sanasini hisobga
oladigan bo’lsak, ota onasi ham
allaqachon dunyodan o’tganligi
aniq. Shunday ekan,
marxumning singlisidan boshqa
yaqini emasligingizga
ko’rishganimizdayoq ishonchim
komil bo’ldi.
Ayol mashg’ulotini to’xtatib
menga qiziqib qarab turardi. Men
esa so’zimda davom etdim:
- Akangizning qabri ancha yillar
oldin shu yerga dafn etilgan
ekan, demak, siz ham akangiz
ham asli shu qishloqlik –
Dabussiyalik bo’lgansizlar. Lekin
hozir shaharda yashaysiz, buni
kiyinish uslubingiz va
yuzingizning rangparligi aytib
turibdi, dedim so’zimni
tamomlab.
- Sherlok Xolms bo’p ketingey,
dedi ayol jilmayib qo’l siltarkan,
barchasini to’g’ri topdingiz,
haqiqatdan ham bu qabr mening
akamga tegishli, men ham asli
shu yerlikman, hozirda
Ziyovuddin shahrida maktab
direktori lavozimida ishlayman,
o’qituvchiman. Ota onamiz ham
ancha yillar oldin dunyodan o’tib
ketishgan. Rahmatli akamning bu
dunyoda mendan boshqa yaqin
qarindoshi qolmagan, shuning
uchun, bu yerga tez tez kelib uni
yodga olib, haqiga duo o’qib
ketaman. Bir zum g’amginlik
yugurgan ayolning yuzi tezda
quvnoq chehra bilan almashdi.
- Lekin sizga qoyilman!
Aytingchi, shaxsiy mashinamda
kelganimni qayerdan bildingiz?
- Cho’ntagingizdagi mashinaning
kalitiga ko’zim tushuvdi, dedim
beparvo ohangda.
Garchi noqulay joy bo’lsa ham
ayol kulib yubordi. Men esa u
bilan bemalol gaplashish, akasi
haqida o’zim qiziqqan savollarni
so’rash imkoniyati tug’ilganidan
mamnun edim.
- Men esa biror joyimga
mashinaning moyi tegibdimi deb
o’ylabman, dedi ayol yana
mashg’ulotini davom ettirarkan.
Men ham unga qabrni yaqinda
o’sib chiqqan tikanaklardan
tozalashga yordamlasha
boshladim.
- Akangiz juda yosh vafot etgan
ekanlar, dedim.
- Hmm,dedi ayol xo’rsinib,
yigirma bir yoshida dunyodan
o’tgan.
- Biron bir jiddiy kasallik bilan
og’riganmidilar?
- Yo’q… Akam nihoyatda sog’lom
odam edi, dedi ayol biroz
sukutdan so’ng. Usha yili men
endigina institutga kirgan talaba
qiz edim. Akam vafot etganlarida
men Toshkentda Pedagogika
bilim yurtida tahsil olardim. U
kishining o’limidan xabar topib
dahshatga tushdim, o’zimni
qo’yishga joy topolmasdim.
Imkoni bo’lsayu tezroq qanot
chiqarib Toshkentga uchsam
derdim. Yo’l bo’yi yig’lab keldim,
ishonasizmi, hatto ko’zlarimda
yosh qolmadi. Akamni juda
yaxshi ko’rardim. Uning o’zi
meni ko’rgani Toshkentga tez tez
borib turardi. Uni oxirgi marta
tirik ko’rganimda anchayin o’zini
oldirib qo’ygan, xuddi og’ir
kasallikni boshidan o’tkazgan
kishidek oqarib ketgandi. Esimda,
ushanda undan havotir olib,
unga nima bo’layotganini, qayeri
og’riyotganini so’raganimda,
bunga parvo qilmasligimni
tayinlab , shunchaki yomon
tushlar ko’rib, yaxshi
uxlolmayotganini aytgandi…
- Bir ahvolda qishl;og’imga yetib
keldim. Men kelganimda
allaqachon akamni tuproqqa
topshirishgan ekan. Usha
paytdagi ota onamning dod
faryodi haligacha quloqlarim
ostida jaranglaydi. Ota onam
ham yolg’iz o’g’illarining
hasrtaida kuyib, tez orada birin
ketin dunyodan o’tishdi. Meni
esa endi bu qishloqda
qolishimdan foyda yo’q edi.
Toshkentda turadigan
amakimning qo’lida qolgan
hayotimni davom ettirdim.
Institutni tamomlab maktabga
o’qituvchi bo’lib ishga
kirgunimcha amakimning oilasi
menga mehribonlik qilishdi.
Amakimdan ayrilganimdan so’ng
mening bu dunyoda yurgan
yaqin qarindoshim qolmadi.
Bizning qishloqga yaqin bo’lgan
Ziyovuddin shaharchasiga kelib,
kichik bir maktabga muallima
bo’lib ishga kirdim. Yillar o’tib
usha maktabga director bo’ldim.
Hanuzgacha shu shaharda
yashab kelyapman va bu yerga
tez tez kelib akamning qabridan
xabar olib turishni kanda
qilmayman.
- Akangiz qanday vafot etgan?
Ya’ni nima sabab bo’lgan?
- Men qishloqda bo’lmaganim
uchun bu voqealarni o’z ko’zim
bilan ko’rmaganman. Lekin,
rahmatli ota onam uni mana shu
tomondan - dedi ayol qo’li bilan
qabristonning jangal bo’talari
qoplagan eski qismini ko’rsatib –
chavaqlangan ahvolda
topishgan. Ularning aytishicha
akamga tunda bo’rilar to’dasi
hujum qilishgan ekan, chunki
jasadning yonidan yirtqich
hayvonning izlarini topishgan.
- Otamning aytishiga qaraganda,
o’limidan bir hafta ilgari akamni
mana shu Dabus qal’a
xarobalaridan xushsiz ahvolda
topishgan ekan, yeti kun
deganda bazur oyoqqa turgan.
Uni ko’rib qo’ygan domlalar
o’g’lingizni qal’adagi ajinalar
chalgan deyishgan ekan. Akam
yeti kun ichida holsizlanib,
tobora arvohdek rangini yo’qota
boshlagan. Usha paytlar ota
onamning qarshiligiga
qaramasdan Toshkentga kelib
ketgandi. O’ylab qarasam,
ushanda akam meni oxirgi marta
ko’rayotganini, tez orada bu
yorug’ dunyoni tark etishini
bilganm ekan.
Ayol xomush ko’zlarini yillar
shamoli uchirib, tuprog’I cho’kib
bir hovuchgina bo’lib qolgan
do’ppaygan qabrga qadab, uzoq
o’yga toldi.
Ayoldan eshitganlarim asosida
cholning hikoyasi nima bilan
tugaganligini hayolan miyamda
tikladim. Demak, cho’pon chol,
to’g’rirog’I yigit arvoh qizning
da’vati bilan usha oy to’lgan
kechada eski qabristonga kelgan.
U yerda esa maxluqni uchratgan.
Aftidan, yigit maxluq bilan
jangda mag’lub bo’lgan ko’rinadi.
Qanday dahshatli yakun!
Chol meni bu yerdan tezroq
ketishimga da’vat qilganining
sababini endi tushundim. Men
qizning arvohini ko’rganimni,
tushlarimga kirib bezovta
qilayotganini chol avval boshdan
bilgan, o’zining dahshatli qismati
takrorlanmasligi uchun ham
o’zga dunyodan mo’ysafid chol
ko’rinishida yerga tushib
yonimga kelgan. Ushanda
cholning ko’zlari xuddi yosh
yigitnikidek o’tkir va tiniq
ekanini , meni hayratga solgan
oppoq tishlari sadafdek terilib
turganining sababini hamm endi
tushundim.
- Aytingchi, dedim sekingina
hayollari uzoq yoshligining
maxsun kunlariga olib ketgan
ayolning diqqatini bo’lib, uchiga
inson panjasi shaklida kesilgan
temir bo’lagi suqib qo’yilgan
uzun yog’och tayoqni
ko’rsatarkanman dedim- bu nima
uchun kerak?
- Bilasizmi, dedi ayol biroz
sukutdan so’ng, akam vafot
etganidan so’ng oradan yillar
o’tib bir kuni tushimga kirdi. U
avvalgidek yosh, navqiron va
sog’lom holatda mana shu qal’a
tepasida turardi. Yuzidan nur
taralar, bir qo’lini ko’tarib,
jilmayganchga botayotgan
quyoshga qarab qo’l siltardi.
- Bu g’alati tushning ta’birini
bilish uchun yoshi ulug’
domlaning huzuriga bordim.
Domlaga ko’rgan tushimni
batafsil so’zlab berdim, u bo’lsa,
biroz sukut saqlagandan so’ng,
bu hammasi yaxshilikka deb
qo’ya qoldi. Yana, odam panjasi
shaklidagi temir parchasini
qabrga qadab quyosh botar
tomonga qaratib qo’yishimni
tayinladi. Nega bunday qilishim
kerak degan savolimga,
akangning ruhi tinch bo’lishi
uchun dedi.
- Tushunarli, sizning ismingiz
nima opa?- dedim ayolning
qabrga termulib turgan g’amgin
ko’zlariga qarab.
- Saodat opa deb murojaat qiling,
dedi u ham, siznikichi ukam?
- Meniki Siroj, dedim qisqagina
qilib.
- Siz bilan tanishganimdan
xursandman !, dedi ayol o’rnidan
turarkan- hali zamon maktabda
dars boshlanadi, buning ustiga
kun ham qiziy boshladi, endi
yo’lga otlansam ham bo’ladi.
- Albatta, men ham siz bilan
tanishganimdan xursandman
Saodat opa, mazmunli suhbat
uchun tashakkur!- dedim
samimiy ohangda.
- Ishlaringizga omad! Qal’aning
tarixini o’rganishda
muvaffaqiyat tilayman, agar bu
haqda maqola yozsangiz albatta
menga ham ilining. Xayr yigitcha,
salomat bo’ling.
- Saodat opa bilan shu yerda
xayrlashdik. Biroz muddat uning
ortidan kuzatib turdim. Ayol
munkaygan eski qabrlar orasida
tezda ko’zdan g’oyib bo’ldi.
Смс Шерлар