"XAROBADAGI ARVOH" 5-qism (yakuniy)
- Категории: SeriaL Xikoyalar
- Название: "XAROBADAGI ARVOH" 5-qism (yakuniy)
- Дата релиза: 21-02-16, 21:45
Tush (yakun....)
Quyosh olamni beayov kuydira
boshladi. Bugun boshimdan
o’tkazgan ajabtovur xotiralar
og’ushida rais hovlisi tomon
ravona bo’ldim. Hovliga yetib
borganimda Tursunboy aka
oilasi bilan nonushta qilmasdan ,
ayvonda meni kutib turishgan
ekan. Haligacha nonushta
qilmaganliklarini ko’rib biroz
hijolat bo’ldim. Kayfiyatim chog’
va bugun meni qiytnayotgan
ba’zi bir savollarga javob
olganim uchun xotirjam edim.
Rais buva bilan chaqchaqlashib
nonushta qilgandan so’ng,
shoshilinch qo’ng’iroq bilan u
yana qayoqqadur chiqib ketdi,
men esa bugun boshimdan
o’tkazgan sinoatlarni yozish,
hikoyamga yana bir nechta
sahifalarni qo’shish uchun
xonamga shoshildim. Bugungi
kun juda g’aroyib o’tdi,
kutilmagan ajoyib voqealarga
boy bo’ldi. Ba’zi bir mavhumliklar
ochilgan bo’lishiga qaramay, hali
oldinda malikaning ruhi va
dahshatli maxluq haqidagi
sinoatlar sirliligicha turibdi.
Ayolning hikoyasidan dahshatli
maxluq men o’ylaganimdan
ancha xavfli ekanini, u biloan
olishuv hayotim uchun intixo,
o’lim bilan tugashi mumkinligini
tushundim. Lekin, boshimdan
o’tkazayotgan voqealarga shu
qadarchuqur kirib ketgan edimki,
endi bu sirlarning oxiriga
yetmasdan ortga qaytib
bo’lmasligini ham yaxshi
tushunib turardim. Taqdir
taqazosi bilan maxluq bilan
olishuvga to’g’ri kelib qolsa, men
uning zaif taraflarini bilmayman,
uni qanday mag’lub etish kerak?
Maknuning arvohini qanday qilib
maxluqdan ozod etish kerak/, bu
savollarga hali menda javob yo’q
edi. Qolaversa, u faqat oy to’lgan
yarim tundagina tirik hayvonga
aylanadi. Demak , bu jonzotni
faqat oy to’lganda mag’lub etish
mumkin. Qachon oy to’lishi ham,
maxluqni qayerdan toppish
mumkinligi ham menga qorong’u
qolmoqda edi. Harholda bundan
keyin ehtiyotkorlikni
kuchaytirishim , meni qanday
qudratli dushman kutayotganini
his qila bilishim kerak edi.
Chol bilan sodir bo’lgan sirli
voqea meni dahshatga solamdi,
aksincha, qiziqishimni y ana o’n
karra oshirib, gumonimni
hayratga aylantirdi. To’satdan
qal’adagi chol bilan bo’lgan
sihbatni telefonim xotirasiga
yozib olganligim esimga tushib
qoldi. Menyudan ovoz yozadigan
dasturni topib, yozilgan
ovozlarning eng so’nggisiga
kirdim. Dastur faqat meni
ovozimni , ya’ni, cholga bergan
savollarimnigina yozib olgan edi
xolos. Savollarimga javob bergan
cholning ovozi o’rnida faqatgina
tushunarsiz xishillash yangrardi.
Bu holatdan hayratga
tushmadim, chunki shunday
bo’lishini ko’nglim sezgandi.
Nachora, dunyoviy ilm
arvohlarni rad etadi. Shunday
ekan fanning yutug’I bo’lmish
apparatdan foniy dunyodan
kelgan arvohning ovoxini
eshitishdan umid qilmasa ham
bo’ladi.
Peshin quyoshi qizara
boshlaganda hikoyamning
asosiy qismini yozib tugatdim.
Bugun qal’ada qiladigan ishim
bo’lmagani uchun Nabijon bilan
salqinlab qishloq sayriga chiqib
ketdik. Bu yerga kelganimdan
beri birinchi marta qishloqni
aylanishim edi. Qishloqda
ko’chaning ikki labida eski
yog’och charxpalak g’iyqillab
aylanib turadigan ariqlari
borligini, yo’l cheti bo’ylab
ekilgan mirza teraklar quyosh
tig’I olamni kuydirayotganda
qishloqga salqinlik bag’ishlab
turishini, odamlari sodda,
mehribon va mehmondo’st
ekanligini , tuproq ko’pchib
turgan yo’llarini suruv suruv
qo’y qo’zilar changitib tez tez
o’tib turishini fahmladim va zavq
bilan kuzatdim.
Kech tushgach uyga qaytdik.
Ovqatlanib bo’lib vujudimda
biroz horg’inlikni his qildim.
Ichkari mehmonxonaga o’tib
uxlash uchun joyimga yottim,
hatto kompyuterda ishlashga
ham holim yo’q edi.
Tezda uyquga ketdim. G’alati
tush ko’ra boshladim. Tushning
g’alatiligi shunda ediki,
ko’rayotganlarimni xuddi real
hayotdagidek tiniq va ravshan
ko’rar, his qilardim.
Avvaliga eshikning g’iyqillashi
eshitildi, go’yo uyg’oq edim-u
ko’zlarimni yumib yotardim.
Quloqlarim ostida ismimni aytib
chaqirayotgan qizning
qo’ng’iroqdek ovozi jarangladi.
Ko’zlarimni ochganimda tepamda
qop qora charos ko’zlari
havotirli, yordam
so’rayotgandek mungli boqib
turgan sohibjamol turardi. Ustiga
qadimiy, lekin bejirim naqshlar
bilan bezatilgan harbiy kiyim
kiyib olgan, boshida dubulg’aga
o’xshab ketadigan shohona bosh
kiyim, hatto belida xanjar bor
edi. Oppoq yuziga yarashgan
lablari sutda suzib yurgan
qulupnayni eslatar, qop qora
qosh ko’zlari, uzun kipriklari ham
shunga monand edi. Avvaliga
tushimga farishta kiryapti deb
o’yladim, lekin qizni darrov
tanidim. Bu Maknuna edi.
Qo’limdan ushlab tashqariga
yetaklay boshladi. Yuzida
tashvish, chiroyli qora ko’zlarini
ma’yuslik egallagandi. Ayvonga
chiqqanimizda atrofda bizdan
boshqa tirik jon yo’q edi. Osmon
dengizida adashib qolgan
kemadek to’lin oy suzib yurardi.
Yoz oqshomi sutdek oq,
kunduzgidek atrofdagi hamma
narsani ilg’ash mumkin edi.
Maknuna meni hpovli to’riga
boshlab ketdi.
- Meni qayerga olib ketyapsan
dedim nihoyat?
- Bugun oy to’lgan kecha, maxluq
hayotga qaytadi, meni uning
iskanjasidan faqat sen xalos
etishing mumkin.
- Nega endi men?, dedim hovli
devoir ustidan uchib
o’tayotganimizni ko’rib
hayratlanib qolarkanman.
- Chunki sen qo’rqmaysan.
- Nega bunday deb o’ylaysan,
balki qo’rqarman?, dedim. Bu
paytda ariqdan o’tib yantoqzor
yalanglikda deyarli oyog’im
yerga tegmasdan uchib
borardim.
- Agar qo’rqqaningda, bugunoq
bu yerdan ketgan bo’larding.
Bilasanmi Siroj, sen g’ayritabiiy
hodisalarni o’zingga
ohanrabodek tortasan. Men
sendagi bu hislatni birinchi
kelgan kuningdayoq sezgandim.
Seni birinchi kuniyoq meni
qutqarishi mumkiin bo’lgan
xaloskor sifatida ko’rdim. Usha
kuni to’lin oy kechasi edi. Maxluq
doimgidek hayotga qaytdi va
menga dahshatli azoblar berish
uchun ortimdan ta’qib qila
boshladi. Sen qishloqga
kelganingni bilar edim, shuning
uchun qal’adan pastga qarab
qocha boshladim. Maxluq esa
ortimdan izma iz kelardi. Shu
onda sening uyg’oq ekanligingni
va bizni kuzatib turganingni
ruhiy sezgim bilan aniqladim
hamda sen tomonga oshiqdim.
Afsuski mendan qo’rqib ketting
va xonangga kirib olding. Aslida
men senga hech qanday ziyon
qilmasdim, qo’rqish kerak
bo’lgan narsa bu – maxluq edi
ushanda. Sen ichki xonada biroz
vaqt biqinib yotting, menga esa
bu fursat maxluqdan yashirinib
uyga kirib olish uchun yetarli
bo’ldi. Sen derazadan tashqariga
qarayotganingda men ortingda
turardim. Maxluq hamon
tashqarida edi, lekin ajablanarlisi
u ichkariga kirolmasdi. Uning
uchun paxsa devorlar ko’rinmas
pardadek gap, bemalol o’tib
ketolardi. Biroq u yerda sen bor
eding. Maxluq senga
yaqinlasholmadi, faqat deraza
ortida turib alamli o’kirish
bilangina cheklanib qoldi. Usha
paytda meni qutqaradigan
yagona xaloskor sen ekaningga
ishonchim komil bo’ldi. Afsuski,
mendan qo’rqib ketting va
hushingni yo’qotding.
- Chunki sen usha paytda oq
ridoga o’ralgan, havoda muallaq
turadigan, yuzining o’rnini xira
tuman qoplagan dahshatli arvoh
edingda , dedim koyinib.
- Also unday emasdim, dedi
qat’iy ohangda Maknuna, sen
arvohlar haqidagi dahshatli
voqealarni eshitganingda,
sinoatli kitoblarni o’qiganingda
ular haqida senda mana shunday
tasavvur paydo bo’lgan. Sengfa
bitta sirni ochaman, kimki
hayotida arvohni uchratsa, uni
xuddi o’zi tasavvur qilganidek
ko’radi. Shuning uchun sen ham
meni birinchi marta
uchratganingda o’zing tasavvur
qilganingdek yoningda dahshatli
holatda gavdalanganman.
- Tushunarli, dedim. Bu paytda
tepalik bo’ylab oydin oqshomda
vahimali manzara kasb etgan
ko’hna qal’a tomon ko’tarilardik.
- Unda nega hozir yonimga
avvalgidek dahshatli ko’rinishda
emas, sohibjamol malika
ko’rinishida kelding, axir haliyam
arvohsanku?
- Buninmg sababi oddiy, sen bu
yerga kelganingda men haqimda
aniq tasavvurga ega emasding,
ruhimni faqat o’zingning
dahshatli hayolotlaring bilangina
ko’rgansan. Cho’pon bilan
suhbatdan so’ng esa, men
xotirangda mana shu holatda
gavdalanganman.
Malikaning so’zlari chin edi, men
choldan u haqidagi afsonani
eshitganimdan so’ng
Maknunaning ko’rinishi
tasavvurimda qadimiyu harbiy
kiyimdagi sohibjamol pari qiz
sifatida chizilgandi.
- Cholni sen yuborganmiding?
- Yo’q, o’zi kelgan…-biroz
sukutdan so’ng davom etdi- seni
xavfdan ogohlantirib o’zining
dahshatli qismati
takrorlanmasligi uchun kelgan.
Buni o’zing ham juda yaxshi
bilasan.
Qulay fursat tug’ilgani uchun
Maknunaga arvohlar haqidagi
meni qiziqtirgan ba’zi bir
savollarni berishga o’tdim.
- Aytchi, ruhlar qanday
yashaydi?
- Biz arvohlar insonning
tafakkuri, biz haqimizdagi
ishonchi bilan yashaymiz. Ya’ni
bizni qancha ko’p yodlasalar,
chin dildan ishonsalar biz
shuncha ko’p foniy umr
ko’ramiz. Mening vafot
etganimga ham ikki ming yildan
oshdi. Lekin, men avloddan
avlodga o’tayotgan hikoya,
asotir va afsonalar bilan birga
odamlar orasida yashab
kelyapman. Insonlarning
tafakkuridagi malikaning arvohi
borligiga ishonch tuyg’usi
mening ruhiy tirikligimni
ta’minlaydi.
- Arvohlar nimadan qo’rqadi?,
dedim uning gaplaridan
hayratlanib.
- Unutilishdan! , qat’iy javob
berdi qiz. Inson o’limidan
qanchalik vahimaga tushsa,
ruhlar ham bir kun kelib
unutilishdan qo’rqishadi. Bu ular
uchun o’lim bilan barobar. Ruh
yer yuzida uni eslaydigan bitta
odam qolgan bo’lsa ham
yashashda davom etaveradi. Uni
qancha ko’p yodga olishsa
odamlar orasidagi umri ham
shuncha ko’p davom etaveradi.
Odamzodning tushiga nega yuz
yillar oldin o’lib ketgan
ajdodlarining arvohi emas, bir
necha yil oldin vafot etgan
yaqinining ruhi kiradi.? Chunki
hayot paytida ko’rmagan
ajdodlarini u eslash u yoqda
tursin tasavvur ham qilolmaydi.
O’zi hayoti davomida ko’rgan
odamlari vafot etganlarida esa
ularni tez tez yodga olib turadi,
shuning uchun yaqinlarining
ruhlari tushiga dam-badam kirib
turadi. Misol uchun sening
yoningga mo’ysafid chol
ko’rinishida borgan arvohni
olaylik, uning vafot etganiga
ko’p yillar bo’ldi, nega bo’lmasa
haligacha insonlar orasida
yuribdi deyishing mumkin,
sababi shuki, tiriklar dunyosida
uni tez tez yodga olib turadigan
yakkayu yolg’iz singlisi bor.
hayratdan lol bo’lib qoldim, qiz
ruhlar haqidagi haqiqatlarni
dalillar bilan shu qadar hikoya
qilardiki, ularga ishonmaslikning
iloji yo’q edi.
Bu paytda biz tepalik ustiga
chiqib olgan, ko’hna qal’a
xarobalari orasida turardik.
Malika pastki qismi nurab, qulash
arafasida turgan ko’hna devor
panasiga o’tib, kichik darcha
orqali mozoristonga qaradi.
Uning ko’zlaridagi qo’rquvni
ko’rib ,yuragimni hatto arvohni
vahimaga soladigan maxluq
bilan olishuv manzarasiu
cho’chitib yubordi.
- Maknuna, dedim birinchi marta
uning ismini aytib
chaqirarkanman. Malika chiroyli,
xomush ko’zlarini menga qadadi.
Shunda bir zum o’zimni yo’qotib
qo’yayozdim- maxluq nima
uchun seni doimo ta’qib qilib
yuradi. Unga nima sitam
o’tkazgansan-ki, tinch
qo’ymaydi?
- Bu yirtqich maxluq aslida meni
o’limga mahkum etgan mo’g’ul
hukumdori Chingizxonning
yovuz ruhi. Odamlar uni
haligacha qonxo’r hukumdor
sifatida yodga olishadi, shuning
uchun, uning ruhi haligacha
qonxo’r maxluq ko’rinishida
insoniyat orasida yashab
kelyapti.
- U xalqimni qirg’in qildi, oilamni
o’ldirdi, meni vahshiylarcha
halok qildi. O’limimdan oldin uni
qattiq duoibad qildim, yeti
avlodiga la’nat o’qidim, begunoh
qizning umriga zomin bo’lgani
uchun o’zi ham ayol kishining
qo’lida dahshatli o’lim topishini
bashorat qildim. Qabrini esa bu
yorug’ dunyoda hech kim
topolmaydigan joyda yop’q
bo’lib ketishini, kelajak avlod uni
faqat zolim va qonxo’r
hukumdor sifatida qoralashini
aytdim. Hukumdorning bir tuki
ham qimirlamadi, lekin, so’zlarim
yuragining ich ichiga kirib
borganini, tafakkurining
allaqaysi burchagida dahshatli
duoibad haqiqatga aylanishidan
qo’rquv hissi paydo bo’lganini
sezib qoldim…O’limni
mardonavor qabul qildim!
Shu tobda qarshimda Dabussiya
qal’asining nozikta’b, o’jar,
otasining erkasi bo’lgan oddiy
qizi emas, jasur , mard, or-
nomusli malika, dushmanga bosh
egishdan ko’ra o’limni afzal
biladigan mardonavor qirolichasi
turganini his qildim va uni yosh
ko’rinishda bo’lgani uchungina
senlab murojaat
qilayotganimdan biroz hijolat
tortdim.
Malika meni o’zi kuzatayotgan
darcha orqali qabristonga
qarashimni aytdi. Avval
tasvirlaganimdek qabriston
bepoyon edi. Odamlar uning
jangal butalari bosgan tashlandiq
qismidan hatto kunduzi ham
o’tishmasdi. Ko’hna go’riston bu
qishl;oqda yashayotgan
insonlarni ming yillardan buyon
vahimaga solib kelardi.
U shu qadar ulkan hududni
egallagan edi-ki, unda avvaliga
hech qanday harakat sezilmadi.
To’lin oy yog’dusida eski
qabriston kaftdagidek namoyon
bo’ldi. Ko’zlarim atrofni obdon
kuzatgach, tikanak qoplagan
mozoristonning g’arbiy qismida
butalar orasidfagi qora sharpani,
qip qizi;l cho’g’dek yonib turgan
ikki nuqtani dahshat bilan
aniqladim. Maxluq bizdan ancha
olis masofada bo’lgani uchun
uning faqat qop qora
ko’lankasigina ko’rinardi. Aftidan
u nimanidur qidirardi, mening
nazdimda goh butalar orasidan
qabrlarni kovlab, chirigan odam
ustixonlarini har yoqqa sochar,
goh u yoqdan bu yoqqa yugurib
iskovuch itdek nimaningdur
hidini olardi. Afsonalardagi
maxluq arvohi to’lin oy ta’sirida
hayotga qaytgan , haqiqatga
aylangandi. Men kabi oddiy bir
yosh journalist yigitni hatto
sharpasigina yurakni vahimaga
solib turgan bu dahshatli maxluq
bilan olishguvini aqlga
si’g’dirolmasdim.
- Mo’g’ul hukumdori xuddi men
bashorat qilganimdek ajal topdi,
ayol kishining qo’lidan zahar
ichib, hayoti dahshatli azob bilan
tugadi. Uning qabrini haligacha
hech kim topaolgan emas.
Hukumdorning arvohi boshidan
o’tkazganlarining barchasi uchun
meni aybdor deb hisoblardi.
Shuning uchun, meni ta’qib
qilishni o’limidan keyin ham
davom ettirdi. Avvaliga odam
qiyofasida bo’lgan xoqonning
arvohi yillar, asrlar o’tishi bilan
odamlar hayolida dahshatli,
qonxo’r maxluq sifatida mixlanib
bordi. Yovuz arvoh ham borgan
sari qiyofasini yo’qotib dahshatli
maxluqga aylana bordi. Men ham
maxluq ham bizning
borligimizga chin dildan
ishongan odamgagina
ko’rinamiz. Shu paytgacha meni
uchratganlarning ayrimlari
yirtqich bilan bo’lgan jangda
nobud bo’lishgan. Lekin , ularda
sendagi kabi xislat
yetishmagandi.
- Men maxluqni qanday qilib
mag’lub etaman? Ming yillardan
beri odamlarni dahshatga solib
kelayotgan, o’nlab insonlarning
umriga zomin bo’lgan yirtqichni
qaysi qurol bilan o’ldiraman?
- Yirtqich o’lishi mumkin, lekin
yovuz xoqonning ruhi hech
qachon o’lmaydi. Kelajak
hukumdorni unutmas ekan,
uning ruhi yashashda davom
etaveradi. Agar sen bugun uni
mag’lub etsang u boshqa bu
dunyoga qaytmaydi.
Hukumdorning ruhi qabrini izlab
uzoq uzoqlarga uchib ketadi.
Shunda men ozod bo’laman.
Maxluq aslida qadimiy
asotirlardagi xoqonning odamlar
o’ylab topgan yolg’on qiyofasi.
Uni ham xuddi men kabi kim
qanday tasavvur etsa shunday
ko’radi. Agar unga ishonsang ,
undan qo’rqsang maxluq
shunchalik kuchayib boraveradi,
keyin uni hech qachon mag’lub
etolmaysan. Oxir oqibat esa
o’zing qo’rquving bilan tiriltirgan
maxluq, o’zingni halok qiladi.
Unutma!, yolg’ondan bunyod
bo’lgan haqiqat qanchalik
ishonarli ko’rinmasin baribir
yol’g’onligichga qolaveradi.
Maxluq aslida haqiqat emas, agar
uning mavjudligiga
ishonmasang ,senga hech
qanday ziyon yetkazolmaydi.
Mana bu xanjarni ol, qulay fursat
tug’ilishi bilan uning yuragiga
sanch!
Maxluqga ko’rinmaydigan
tomondan go’riston tomon
pastlay boshladim. Malika qal’a
ustida qoldi. Agar men bilan
borsa, yirtqich uning hidini sezib
qolishi mumkin, bu esa mening
hayotimni xavf ostiga qo’yadi.
Jangalzor butalar orasidan
yirtqich tomon sekin harakatlana
boshladim o’tib bo’lmas
tikanaklar panasida unga
yaqinlasharkanman miyamda u
haqidagi fikrlarni o’chirib
tashlashga, unga ishonmaslikka
harakat qilardim. Bu oson ish
emas ekan, sendan o’n, o’n besh
qadam narida dahshatli qora
ko’lankasi sezilib, yo’lbarsdek
chuqur chuqur nafas olayotgan
hayvonni qanday qilib
miyamdan o’chirib tashlash
mumikin. Insonb miyasi
kompyuter emasku, istagan
paytda keraksiz axborotni
unutibv yuboradigan. Shu tobda
men qanchalik qiyin vazifani
bo’ynimga olganimni his qildim.
Mendan oldin u bilan olishgan
odamlar ham jangdan oldin
xuddi shu hayollarni boshidan
o’tkazgan bo’lsa ajabmas. Unga
qanchalik ishonmaslikka harakat
qilsam, u shunchalik bahaybat va
qo’rqinchli ko’rina boshlardi
nazarimda.
Dunyoda insondan
qo’rqinchliroq jonzot yo’q, kezi
kelganida u misli ko’rilmagan
qonli ishlarni qiladi, minglab ,
millionlab begunohlarning
umriga zomin bo’ladi, insoniyat
taqdirining kushandasi bo’lgan
dahshatli qurollarni yaratadi,
xavfli kasalliklarni tarqatadi.
Insondek qo’rqinchli maxluq
oldida xurofotning maxsuli
bo’lgan qayerdagi yirtqich
jonzotdan qo’rqish, bu – aqlsizlik!
Miyamda tinimsiz jaranglayotgan
bu so’zlar g’ayritabiiy ravishda
ongimga ta’sir etib, vujudimda
qo’rquvdan asar ham qolmadi.
Qo’rquvning ustidan g’alaba
qozondim!
Bu paytda maxluqga ancha
yaqin kelib qolgan edim. Uning
ko’rinishini aniqlashga qanchalik
harakat qilmayin urinishlarim
besamar ketardi. Unga yaqin
kelib obdon ko’zdan kechirdim.
Maxluq faqat qora ko’lanka,
soyadan iborat edi. Bamisoli
ko’zlari o’rnidagi qip qizil ikki
cho’g’ hanuz yonib turardi. U
shundoqqina ko’rinib tursada,
undan qo’rqmasdim, yuragimni
ajib bir sokinloik egallagandi.
Malika qo’limga tutqazgan oltin
dastali xanjar oy nurida yorqin
nur taratardi. Dunyoda maxluqlar
bo’lmaydi ,dedim, o’zimni o’zim
yana bir marta ishontirarkanman
oy nuridagi yirtqich soya tomon
tashlandim. U mening hidimni
sezdi, oyoq tovushlarimni
eshitdi, balki, qo’limda unga
qarata niqtab kelayotgan
xanjardan malikaning hidini
sezgandur. Yashin tezligida
menga qarab burildi. Qiziq ,
uning cho’g’dek ko’zlarida
o’zimni ko’rdim. Men maxluqga
qarab yugurganim sari u
shunchalik uzoqlashayotgandek
tuyilaverardi, unga hecham
yetolmasdim. Shu tobda men
eski qabristonda yugirib
ketayotganimni unutib
qo’ygandim. Qora ko’lankaga
yetay deb qolganimda yog’och
qopqog’i nuragan bir mozorni
ehtiyotsizlik qilib bosib
yubordim. Natijada omonatgina
eski qabr o’pirili ichiga qulab
ketdim. Mozor ichiga gursillab
tushganimda tepamda to’lin oy
nur sochib turardi, bir sumda
uning yorug’ini qora bulut to’sdi.
Qabr og’zini maxluqning tanasi
qoplagandi. Men uning
maqsadini tezda fahmladim,
meni tashqi ko’rinishi bilan
dahshatga sololmagan maxluq
shu tariqa eski qabrga ko’mib
yubormoqchi edi. Uning gavdasi
tobora pastlay boshladi, men
hech nimani ko’rmasdim, eski
mozordan chang aralash tuproq
hidi kelardi.
Men senga ishonmayman!!!,
dedim bor ovozim bilan va
shundoqqina tepamda turgan
maxluqning yuragini mo’ljallab
xanjar urdim…
Ko’zimni ochganimda terga botib
yotardim, tepamda Xolida opa
turardi. Men esa faqat bir so’zni
takrorlardim: Senga
ishonmayman!
Dahshatli tushdan
uyg’onganimdan so’ng ham bu
so’zlar bir necha soniya
miyamda aks sado berib turdi.
Xolida opa yon xonaga yumush
bilan kelganida mening
alaxsirashimni eshitib qolgan va
xonamga kirgan. O’zimga
kelganimda meni uyg’otishdan
tortinib nima qilishini bilmay
diqqat bo’lib turgan edi. Xolida
opa olib kelgan rayhonli muzdek
ayronni ichib biroz hovurim
bosilgandek bo’ldi. Dahshatli ayni
paytda sinoatli tush ko’rdim,
ammo bu tush orqali meni
qiynayotgan ko’plab savollarga
javob ham oldim.
Bu paytda quyosh allaqachon
o’zining haroratli nurlarini
saxiylik bilan atrofga taratardi.
Tashqariga chiqish uchun
o’rnimdan turdim, shu paytda
qandaydur og’ir narsaning gup
etib gilam ustiga tushganini
payqadim. Pastga qarab
hayratdan yoqa ushladim, gilam
ustida oltin dastali xanjar
yotardi. Demak men tunda
boshimdan o’tkazgan
sarguzashtlar tushimda emas,
o’ngimda sodir bo’lgan ekan.
Haligacha tirik ekanligimga
qaraganda maxluq mag’lub
etilibdi.
Raisning hovlisiga qanday
kelganimni, bu xanjar qanday
qilib qo’limga tushib qolganini
eslolmayman. Aftidan maxluqni
yakson qilib , undan ozod
qilganim uchun malika menga bu
xanjarni tuhfa qilgan ko’rinadi.
Dabussiya malikasining oily
iltifotini bajonidil qabul qildim.
Mehmondo’st rais xonadonida
o’n kuncha yashadim, lekin
ularning mehr e’tiboriga,
o’zbekona g’amxo’rligi,
samimiyligiga shu qadar
o’rganib qoldimki, bu yerni
tashlab ketish men uchun o’gir
bo’ldi. Bu xonadonda, bu ko’hna
ulug’vor Dabussiya qal’asi
xarobalarida boshimdan
o’tkazgan g’aroyib voqealarni
hech qachon unutmayman.
Tusunboy aka mashinasida meni
avtovokzalgacha olib borib
qo’yadigan bo’ldi. Yo’lga
otlanarkanmiz mashina oynasini
tushirib yam-yashil qishloqga,
mehmondo’st rais hovlisiga,
yantoqzor yalanglik va tepalikka,
qadrdon qal’a xarobalariga
so’ngi bor nazar tashladim.
Ko’hna qal’a xarobalari orasidan
oppoq libosdagi go’zal Maknuna
menga jilmayib qarab turardi.
TAMOM
Смс Шерлар