«OLChAZOR» TORTI

Zarur masalliqlar: xamiriga: 2 stakandan shakar va un, 100 gr. sariyog`, 1 stakan sut, 2 dona tuxum, 4 osh qoshiq kakao, 2 choy qoshiqdan xamir yumshatgich va vanilin, 1,5 choy qoshiq iste`mol sodasi, 1 choy qoshiq tuz; kremiga: 1,5 stakan qaymoq, yarim stakan shakar, 2 choy qoshiq vanilin; bezak va o`rtasiga solish uchun: 500 gr. olcha murabbosi, 100 gr. shokolad.

Tayyorlanishi: 1. Un, xamir yumshatgich, tuz, vanilin va shakarni aralashtiring.

2. Tuxumni sut bilan ko`pirtirib, xona haroratida eritilgan sariyog` va vanilin qo`shing. Ko`pirtirgach, unli aralashmaga soling-da, xamir tayyorlang. Xamirni teng ikki qismga ajratib, yog`langan qolipga soling. 175 darajada qizdirligan gaz pechiga 30-35 daqiqaga qo`ying.

3. Qaymoqni shakar va vanilin bilan ko`pirtiring. Korj o`rtasiga krem surtib, olcha murabbosidan soling-da, ikkinchisini yopishtiring.

4. Tort yuziga krem surtib, olcha mevalari va shokolad qirindisi bilan bezating.
Tayyorlanish vaqti: 1 soat.

6 kishilik.
Manba: Darakchi.uz