​Yangicha do`lma — gaz pechida pishiramiz!

Zarur masalliqlar: 1 bosh karam, 500 ml. suv, 300 gr. mol go`shti qiymasi, 200 ml. smetana, 150 gr. guruch, 1 bosh piyoz, 1 dona sabzi, 5 osh qoshiq o`simlik yog`i, 1 osh qoshiq tomat, qizil va qora murch, tuz, ko`katlar.

Tayyorlanishi: 1. Piyozni maydalab to`g`rab, yarmini qiymaga qo`shing. Guruchni ham solib, tuz, murch seping.

2. Qizdirilgan o`simlik yog`ida piyoz va mayda tishli qirg`ichdan o`tkazilgan sabzini 3 daqiqa qovuring. Keyin tomatni solib, yana 5 daqiqa past olovda dimlang.

3. Qaylaga suv va smetana qo`shib, bir marta qaynagach, olovdan oling.

4. Karam barglarini ajratib, har birining ichiga qiymadan solib, o`rang. Toblama qolipiga karamli do`lmalarni bir qator qilib tering. Ustidan sabzili qaylani quying. 180 darajada qizdirilgan gaz pechida 40 daqiqada pishadi. Pishgach yuziga ko`katlardan sepasiz.

1 soatu 20 daqiqa

5 kishilik
Manba: Darakchi.uz