​Zar qog`ozdagi kartoshka — oilaviy yig`inlar uchun ayni muddao

Zarur masalliqlar: (6 kishilik) 10 ta o`rtacha kattalikdagi kartoshka, 12 bo`lak mol go`shti (yupqa qilib to`g`ralgan), 4 bo`lak sarimsoq piyoz, yarim stakan zaytun yog`i, tuz, maydalangan qora murch.

Tayyorlanishi: 1. Sarimsoq piyozni qirg`ichning mayda tomonidan chiqarib, ozgina tuz bilan birga zaytun yog`iga qo`shing.

2. Kartoshkalarni yaxshilab yuvib, po`stini artmasdan 1 sm. qalinlikda aylana shaklda to`g`rang. Ustidan zaytun yog`li sousni soling.

3. Zar qog`oz (folga)ga kartoshkalarni terib chiqib, o`rtasiga tuz va murch sepilgan go`sht bo`laklarini joylashtiring. Keyin zar qog`ozni mahkam o`rab, patnisga yarim stakan suv soling-da, 180 darajada qizdirilgan gaz pechiga yarim soatga qo`ying.

Tayyorlanish vaqti: 45 daqiqa
Manba: Darakchi.uz