USTOZGA SHER 1 OKTYABR

Bilim — katta daryo, ustoz, siz — mirob,
Millat ravnaqida murabbiy — oftob.
Zamonlar o'zgarar, asrlar o'tar,
Quyoshdek o'zgarmas Alifbo kitob.

Kundaligim varag'ida baholar,
Goho a'lo, goho ikki jazolar.
Yo'l topdik. Ranj chekkaningiz ganj bo'ldi —
Bolalikda to'g'rilandi xatolar.

Esdalik daftarimni qo'lga oldim,
O'quvchilik davrimga nazar soldim.
Kechirgansiz qancha sho'xligimizni,
Sabru-toqatingizga qoyil qoldim.

Keksa ustozimning sochlari oppoq,
Ko'zlari mehribon chaqnaydi biroq.
Bilim va ma'rifat o'rgatar hamon,
Hayot maktabida chalib qo'ng'iroq.

O'qimasak, takror o'qitgan, tolgan,
Manglayida qator ajinlar qolgan.
O'sha ajinlari tufayli xalqni
Kelajakka eltar to'g'ri yo'l solgan.