Tabrik 8 mart bayrami uchun maxsus

Aziz opa singillar
Sof,pokiza ko'ngillar
Ko'rib yayraydi dillar
Bayramingiz muborak!

Siz borsiz tinch xonadon
Farzandlar kular xandon
Yuring bo'lib sog'-omon
Bayramingiz muborak!

Chiroylisiz guldan ham
Hech kimsadan emas kam
Sizla oila jamuljam
Bayramingiz muborak!

Biringiz munis onam
Biringiz aziz opam
Yaqinim amma xolam
Bayramingiz muborak!

Bugun sevinchga to'ling
Chin qalbdan yayrab kuling
Bu kun o'zingiz seving
Bayramingiz muborak!

Baxtdan kulsin ko'zingiz
Charaqlar yulduzingiz
Deydi o'g'il qizingiz
Bayramingiz muborak!

O'zingiz uchun yashang
Bugun yumushni tashlang
Kiyinib yuring bashang
Bayramingiz muborak!

Bu kun dunyo kuladi
Qalbdan dardlar yuladi.
Quyosh porlab turadi
Bayramingiz muborak!

Sizlar qalbga yaqinlar
Ham opa ham singillar
Tark etmasin kulgular
Bayramingiz muborak!

Sakkizinchi mart bugun
Sizga tilaklar uzun
Hayotdan bo'ling mamnun
Bayramingiz muborak!

Muallif:Mirxalilova Shaxnoza