Главная » BAHOR HAQIDA SHERLAR » Yuragingda bahor mujassam

Yuragingda bahor mujassam

Yuragingda bahor mujassam
Yuragingda bahor mujassam!
Nigohingda chaqnaydi yulduz.
Faqatgina men bo'lsaydim shu -
Yuragingda yagona, yolg'iz!

Ko'zlaringda yashasaydim men,
So'zlaringda yashasaydim men.
Ulg'aysaydim nigohlaringda,
Yuragingda yashasaydim men.

Ikki qoshing - ikkita irmoq,
Ikkisi ham mening qanotim.
Hayotimga kirgan kuningdan
Boshlangandi mening hayotim.

Mensiz o'tgan shu hayotingga
Kirmaganga o'xshaydi sevgi!
Hatto sening borligingni ham
Bilmaganga o'xshaydi sevgi!

Sen bilmagan o'shal sevgini
Yuragingga joylamoqchiman.
Dilginangga oshiq dilimni,
Abadiyga boylamoqchiman.

Men sen bilan qarimoqchiman!
Bahoringga bo'lsaydim sherik.
Sen bilmaysan, mushtiparginam,
Solih Sulton sen bilan tirik!

Solih Sulton



«Yuragingda bahor mujassam»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]