Главная » NAVRO'Z BAYRAMI HAQIDA SHE'RLAR TABRIKLAR / 21-МАРТ НАВРУЗ УЧУН ТАБРИКЛАР » Ko'k somsa yegim kelar ona

Ko'k somsa yegim kelar ona

Ko'k somsa yegim kelar ona
Ona sog’indim sizni,
Yonizga borgim kelar.
Bir tandir yopib bering,
Ko’k somsa yegim kelar.

Qo’llari shirin onam,
Mexrizga to’ygim kelar.
Turib tandir boshida,
Ko’k somsa yegim kelar.

Musofirman men hali,
To’lmas dunyoni kami,
Og’zimda qolgan tami,
Ko’k somsa yegim kelar.

Ona kuymang holimga,
Shoshdimda o’zga yurtga,
Lavashni surib chetga,
Ko’k somsa yegim kelar.

Ko’msab bolalik davrim,
Ortimga qaytgim kelar.
Ming dardga davo derdiz,
Ko’k somsa yegim kelar.

Ona sizni baralla,
Jannatim degim kelar.
Ona og’zim kuydirib,
Ko’k somsa yegim kelar.

Borib qolarman bir kun,
Ishlar ham tugab qolar.
Ona qo’msaganim rost,
Ko’k somsa yegim kelar.

Muallif: Qodir Qaxxor



«Ko'k somsa yegim kelar ona»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]