Popup

Главная » ONALAR HAQIDA YANGI SHERLAR » Dardingizni bering ona

Dardingizni bering ona

Dardingizni bering ona
Necha kunki qalbimda tug‘yon,
Ko‘z yoshlarim tizildi -marjon,
Dardingizga darmon bo‘lay men,
Dardingizni bering onajon.

Mayli totmay shodlik ta’mini,
O‘chirmang hech xayot shamini,
Mening umrim oling yarmini,
Dardingizni bering onajon.

Bardoshingiz tog‘dek bilaman,
Mehringiz bir bog‘dek bilaman,
Sizsiz baxtni nima qilaman,
Dardingizni bering onajon.

Sizsiz mening yoz, bohorim yo‘q,
Nomusim yo‘q, dilda orim yo‘q,
Sizdan boshqa hokisorim yo‘q,
Dardingizni bering onajon.

Orom olsin bir zum ko‘nglingiz,
Bolam deya yashab so‘ldingiz,
Endi siz deb kuysin o‘g‘lingiz,
Dardingizni bering onajon.

Poyingizga cho‘kayin men tiz,
Umrlarim o‘tmasin beiz,
Jannatimsiz dunyolarda siz,
Dardingizni bering onajon.



«Dardingizni bering ona»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]