Popup

Главная » ONALAR HAQIDA YANGI SHERLAR » Ishlayverib charchadim ona

Ishlayverib charchadim ona

Ishlayverib charchadim ona
O‘qimadim sharoit qilib,
Alam yutib qo‘ydim pinhona.
Musofirman og‘ir mexnatda,
Ishlayverib charchadim ona.

Kim bilardi meni qadrimni,
Xudo sinar balki sabrimni,
Sizga aytay barcha dardimni,
Ishlayverib charchadim ona.

Naxot shunday bo‘lsa bu dunyo,
Yashashimdan qani bir ma’no,
Noshukurman kechirgin xudo,
Ishlayverib charchadim ona.

Ishdan bezib charchagan bu qo‘l,
Topolmadim balki to‘g‘ri yo‘l,
O‘g‘lingizman peshonasi sho‘r,
Ishlayverib charchadim ona.

Qaytay desam yo‘llarim olis,
Mexringizni qo‘msadim ona.
Hayotimdan nolimayman lek,
Ishlayverib charchadim ona.

Oson emas musofir bo‘lish,
Gap so‘zlarni ko‘tarib yurish,
Asli mardlar uchundir bu ish,
Ishlayverib charchadim ona.

Olis ketma bolam derdingiz,
Sizga quloq solmadim ona.
Sizni biroz sog‘inganim rost,
Ishlayverib charchadim ona.

Sherlarim ham chala bitmagan,
Ishlarimdan ortmadim ona.
Bugun sizga dardimni yozdim,
Ishlayverib charchadim ona.
Sizni juda sog‘indim ona.

MUALLIF: QODIR QAXXOR



«Ishlayverib charchadim ona»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]