ONA O‘GʻLINGIZDAN OLMANG XAVOTIR

Bolam , seni juda sog‘inib ketdim,
Ko‘zlarim intizor , yo‘llaring kutdim,
Deysizu, men sizni qanday ovuutdim?!
Dilimga siylai rahimlar jodir,
Ona, o‘g‘lingizdan olmang xavotir.

Oynadan qarayman , begona shahar,
Uyg‘otar edingiz erta, tong sahar,
Tashvishimni qilib to‘ymas mushtipar,
Siz bor atrofimda toza havodir,
Ona, o‘g‘lingizdan olmang xavotir.

Yutib yubormasa bo‘ldi uylari,
Osmonni uraman deydi bo‘ylari,
Odamlar odammas, chumoli bari,
Chumolizorlarda bolangiz bordir,
Ona , o‘g‘lingizdan olmang xavotir.

Qo‘ng‘iroq qilaman, titroq ovozim,
Onaga bag‘ishlov bezar qog‘ozni,
Borib qolamanov bahormi, yozmi,
Men bilan nimayam bo‘lardi sodir?
Ona, o‘g‘lingizdan olmang xavotir.

Hali bag‘ringizga qaytaman , Ona,
O‘shanda bir manzil aytaman , Ona,
Shodiyona bo‘lar, to‘yu tantana,
Doim qo‘llagaydir Rahmoni Qodir,
Ona , o‘g‘lingizdan olmang xavotir.

Dilimga siylai rahimlar jodir...

Abdumutalib Ergashaliyev