Ona sizni sog'indim

Kuydim qancha olovlar ichra,
Cho'g'laridan chandiqlar qoldi,
Mehri soxta g'amho'rlar ichra,
Unutilmas qora dog' qoldi.

Ona sizni juda sog'indim,
Sur'atingiz quchib ovundim.

Bu bevafo dunyo deydilar,
Yolg'iz qolsang azobga tashlar.
Ona qalbi daryo deydilar,
Qorong'u ham sabridan yashnar.

Ona sizni juda sog'indim,
Sur'atingiz quchib ovundim.

Ko'p qoqildim hayot yo'lida,
Topilmadi jonkuyar, tayanch.
Yolg'iz qolsam uyim to'rida,
Hech sig'madi ichimga quvonch.

Ona sizni juda sog'indim,
Sur'atingiz quchib ovundim.

Qani endi kelsangiz qaytib,
Sizni qattiq bag'rimga bossam.
Qayg'ularni bir oz unutib,
To'yib- to' yib xidingiz olsam.

Ona sizni juda sog'indim,
Sur'atingiz quchib ovundim.

Yusupova Zulfiya.