Popup

Главная » ONALAR HAQIDA YANGI SHERLAR » Ona sochlaringa oqlar tushipti

Ona sochlaringa oqlar tushipti

Ona sochlaringa oqlar tushipti
Hayot sinovlari egdi qaddingni
Ko'rdim silliq yuzing, sal burishipti
Onajon sezdingmi yo sezmadingmi
Qara sochlaringa oqlar tushipti...

Deding yashayapman axr sizni deb,
Aziz farzandlarim og'il, qizni deb,
Ming afsus ming afsus Ona bizni deb
Qara sochlaringa oqlar tushibdi...

Bizning xissamiz bor bu oq tolada,
Ulg'aydik, sen uchun bizlar bolada,
Endi yaxshi kunlar kelgan pallada
Qara sochlaringa oqlar tushipti...

Tirishib tirmashding farzandlarim deb,
Bir umr yashading dilbandlarim deb,
Boshinga tushirgan, kulfatlarim deb,
Qara sochlaringa oqlar tushipti...

Aybdor vaqt emas, meni deb bari,
Nega sezmapmana buni ilgari,
Ichim yonayapti ko'rganim sari,
Qara sochlaringa oqlar tushipti...

Bo'ldi Onajonim yetar shuncha g'am,
Endi xech qalbinga solmayman alam,
Munisim Onama, Go'zalim Onam,
Qara sochlaringa oqlar tushipti...

Zohid Ziyo ijodidan...



«Ona sochlaringa oqlar tushipti»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]