Onaga zor bo'lasan

Sovgʻa olib ayoling,
Koʻnglini koʻtarasan.
Onang xoling soʻrasa,
Orqangni o'girasan.

Xotin go'yo farishta,
Shirin soʻzga ko'masan.
Kamsitmagin onangni,
Onaga zor boʻlasan.

Bir yugurib dumalab,
Katta boʻlib qolmading.
Onang sabab bariga,
Bilmading-a bilmading.

Erkalasa ayoling,
Tillolarga ko'masan.
Uchib ayol makriga,
Onaga zor boʻlasan.

Ishdan kelib har kuni,
Erkalaysan bolangni.
Sen ham yosh bola eding,
Chetga surma onangni.

Onang duosi bilan,
Ishlaring besh yurasan.
Omad ketsa qo'lingdan,
Onaga zor boʻlasan.

Doʻsting qochar so'z deymay,
Boshga tushsa tashvish g'am.
Onang turar yonma yon,
Hech vaqosiz qolsang ham.

Nasib qilsa oʻshal dam,
Yuz yoshlarga toʻlasan.
Shunda chukur xoʻrsinib,
Onaga zor boʻlasan.

Muallif: Qodir Qaxxor