Onamsiz to'yim o'tdi

Achinmayman o'tgan yillarga,
Omad chetlab o'tgan yo'llarga,
Qiymati yo'q chaqa pullarga,
Achinaman faqat bir kunga,
Onajonimsiz o'tgan to'yimga.

Davralarda ming qaro ko'zlar,
Tilaklari eng shirin so'zlar,
O't nigohlar tiklanib bo'zlar,
Lek onamga o'xshamas bari,
Sevinchlar ham yurakdan nari.

Izlayman kechada mehr taftini,
Baxtim so'rab duoga ochgan kaftini,
Mehnatin halollab tutgan taxtini
Topolmadim davrada onajon sizni,
Kulib turgan nurafshon oy yuzingizni.

Yusupova Zulfiya.