Popup

Главная » SEVGI ROMANTIKA HAQIDA SHERLAR SMS » Alishdim seni

Alishdim seni

Alishdim seni
Kechir meni, aziz insonim,
Dunyolarga alishdim seni.
Olmos kabi ko‘ringan sarob
Ro‘yolarga alishdim seni.

Achchiq emas, shirindan shirin
Yolg‘onlarga alishdim seni.
Ozodligim bug‘ib turguvchi
Qo‘rg‘onlarga alishdim seni.

Armonlarga, sog‘inchga to‘la
Ummonlarga alishdim seni.
Ishonchni yeb, shubhada yongan
Gumonlarga alishdim seni.

Kechir… meni aziz insonim,
Qo‘rquvlarga alishdim seni.
Yuragimga kira olmagan
Suluvlarga alishdim seni.

Qo‘l uzatding ortimdan zor-zor,
Yomonlarga alishdim seni.
Yo‘llarimiz bo‘lindi, ayro
Tomonlarga alishdim seni.

Muhabbatga tupurdim, afsus,
Azoblarga alishdim seni.
Nafratdan ko‘r bo‘lib ko‘zlarim
Gʻazablarga alishdim seni.

Kechir meni aziz insonim...

DILDORA ABDINAZAROVA



«Alishdim seni»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]