Popup

Главная » SEVGI ROMANTIKA HAQIDA SHERLAR SMS » Avvalari sevgi juda shirin edi

Avvalari sevgi juda shirin edi

Avvalari sevgi juda shirin edi
Avvalari sevgi juda shirin edi.
Tuyg'ulari ko'zlarda yashirin edi.
Sevishardi bir oyda ham bir ko'rmayin,
Avvalari sevgi juda shirin edi.

Hozir uning izlarini xazon bosdi.
Alam bosdi, hijron bosdi, armon bosdi.
Muhabbatning haq yo'lini yolg'on bosdi.
Avvalari sevgi juda shirin edi.

Talpinardi sevishganlar bir-biriga,
Qarolmasdi ko'rib qolsa ko'z qiriga,
Muhabbati bitilardi taqdiriga,
Avvalari sevgi juda shirin edi.

Oshiqlarning qalami ham o'tkir edi.
Sevgan odam g'aribdan ham botir edi.
Yori uchun har ne ishga qodir edi.
Avvalari sevgi juda shirin edi.

Hozir sevgi ilonlarning qo'lidadir.
Soxtalikda qirollarning qo'lidadir.
Asirlikda, shaytonlarning qo'lidadir.
Avvalari sevgi juda shirin edi.

Telbalarcha sog'inishlar qayda qoldi.
Quyoshdami yoki yarim oyda qoldi.
Chin muhabbat ertak degan joyda qoldi.
Avvalari sevgi juda shirin edi.

Yorni deya kuyganlari rohat edi.
Yorini bir ko'rib qolsa omad edi.
Turmushiga aylansa gar jannat edi.
Avvalari sevgi juda shirin edi.

Peshonamni shaytonlarga o'ptirdim men.
Sevib qolib yuragimni o'pirdim men.
Bu zamonning sevgisiga tupurdim men.
Avvalari sevgi juda shirin edi.

Muallif: Bekzod Sulton



«Avvalari sevgi juda shirin edi»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]