Chindan sevgan insoning

O‘tsa ham qancha yillar,
Unda ekan hayoling.
Unutilmas ekanda,
Chindan sevgan insoning.

Qo‘msab qolasan yana,
O‘sha baxtli kunlarni
Qadri bo‘lak ekanda,
O‘sha bedor tunlarni.

Ko‘zlarini izlaysan.
So‘zlarini eslaysan,
Unutolmay, yoningda,
Bo‘lishini xohlaysan.

Unutdim deysan asta,
Aslida yurak qo‘msar.
Yoniga boray deysan,
Gʻururing yo‘ling to‘sar.

Ha u boshqacha edi,
Endi alam qilasan.
Uni chindan sevganing,
Kech bo‘lganda bilasan.

O‘tsa ham qancha yillar,
Unda ekan hayoling.
Unutilmas ekanda,
Chindan sevgan insoning.

MUALLIF: QODIR QAXXOR