Ertak aytib beraman gulim

Men hali zaminga bosmasdan qadam,
Uning yurak bag'ri toptalgan ekan.
Bundan bir necha yillar muqaddam,
Otam sigaretu, onam oh chekkan.

Meni topmoqlikning qiynog'i ulkan,
Meni topmoqlik bu-shirin xotira.
Otam sigaretin chekardi kuldon,
Va dunyo boqardi menga yotsirab.

Dunyoning vasliga yetganim alam,
Kechmoq istagayman bunday visoldan.
Ex, dunyo tanimay turgan o'sha dam,
Baxtli bo'lishimga bir baxya qolgan.