Faqat eslagin bir bora (2019)

Mayli uchmayin samolar bo'ylab,
Gullar termayin vaslingni o'ylab,
Ko'rmay o'tayin yuragim o'rtab,
Faqat eslagin kunda bir bora.

Mayli kelmagin holimni so'rab,
Bir tabassumla shirin so'z ayab,
Pardoz qilmagin men uchun bo'yab,
Faqat eslagin kunda bir bora.

Mayli aylagin firoqqa tashlab,
Sevgisiz dilni armonga boshlab,
Befarq yuraver ko'zlarim yoshlab,
Faqat eslagin kunda bir bora.

Mayli Shirindek kutmagin chorlab,
Layli Majnundek dostonda porlab,
Devon Mashrabdek ishqida zorlab,
Faqat eslagin kunda bir bora.

Yusupova Zulfiya.