Gulimga

Gulim: sen dunyoda borimsan menig,
Hayotimsan,gʻururimsan orimsan mening,
Hech kimim yoʻq dema jonimsan mening,
Erta hazon boʻlma, sendan iltimos!

Yomonlar fitnalar, tuhmat qilishsa,
Har kuni azoblab, bagʻring tilishsa,
Achchiq soʻzlar bilan ozor berishsa,
Sen ishonib qolma, sendan iltimos!

Savollar tinmasdan ezsalar bagʻring,
Hech kimga boʻlmasa sening keraging,
Hayotimning mazmunisan sen shuni bilgin,
Mendan uzoqlashma: sendan iltimos!

Dunyoda har nega chidashim mumkin,
Chidayman ham sening borliging uchun,
Iltimos sinama, sabrimning kuyin,
Meni hech qiynama: sendan iltimos!

Men borman singiljon doimo borman,
Istagim bir umr yoningda boʻlsam,
Beg'ubor kulgungni tinglashga zorman,
Mahzun boʻlma, yigʻlama: sendan iltimos!

Sen singlim, borligʻim, erka gulimsan,
Seni telbalarcha yaxshi koʻraman,
Iltimos yiroq yur: qaygʻu- alamdan,
Doim kulib yasha: sendan iltimos!

(Gulnoza Asadbekova uchun)

Begi