Главная » SEVGI ROMANTIKA HAQIDA SHERLAR SMS » Ishq

Ishq

Ishq

Biz sevgini haydadik evoh!
Endi bizni yo'qlamaydi ishq.
Ikki dunyo bitta bo'lsa ham,
Aybimizni oqlamaydi ishq.

Bog'lamaydi yo'llarimizni,
Uzdi mana, qo'llarimizni,
Tark etdi - ku dillarimizni,
Endi bizni yo'qlamaydi ishq.

Uvol ketdi orzularimiz,
Ko'z yosh aro kulgularimiz,
Qurib bitdi tuyg'ularimiz,
Endi bizni yo'qlamaydi ishq.

Kelib  ketdi bahor singari,
Bahor bilan ketdimi bari -
Ikkimizdan muhabbat nari?
Endi bizni yo'qlamaydi ishq.

Hislarimga bo'lardi posbon,
Ohlarimga to'larmi osmon,
Oh, bu yurak qolarmi omon,
Endi bizni yo'qlamaydi ishq.

Men o'zimni yo' qotdim mi yo,
O'z ko'ksimga o'q otdimmi yo,
Ishq siz qurib qolarmiz dunyo,
Endi bizni yo'qlamaydi ishq.

Endi dilni bog'lamaydi ishq,
Endi uni chog'lamaydi ishq,
Ko'zlar ko'zga tushmaydi endi,
Endi bizni yo'qlamaydi ishq!

Muallif: Bekzod Sulton va Soliha Sulton




«Ishq»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]