Jonim sevar edim men haqimda o‘ylaganmisan

Men haqimda o‘ylaganmisan,
Kechganmisan o‘zingdan butkul?
Hech yo‘q ismim so‘ylaganmisan,
Sen o‘zingni o‘ylaysan nuqul!

Sevar edim jonimdan ortiq,
Sen gul bo‘lsang, men edim bulbul.
Dunyolarni qilsam ham tortiq,
Sen o‘zingni o‘ylaysan nuqul.

Izlaringdan qancha yurdim zor,
Telba bo‘ldim devona bir qul.
Tuyg‘ularim hammasi bekor,
Sen o‘zingni o‘ylaysan nuqul!

Umid berding kutaverdim jim,
Suydim, kuydim yonib bo‘ldim kul.
Bor mehrimni tutaverdim jim,
Sen o‘zingni o‘ylaysan nuqul.

Kecholmayman afsus bir zumga,
O bag‘ritosh asir etgan gul.
Iltifot et xasta mahkumga,
Sen o‘zingni o‘ylaysan nuqul.

Yarashmadim bo‘ylaringga yor,
Kechganmisan yo mendan butkul?
Arzimadim o‘ylaringga yor,
Seno‘zingni o‘ylaysan nuqul.

Sherzod Komil 2021