Ko'nglim

Кўнглим мунча титрадинг,
Терак япроқларидек.
Синовларга учрадинг.
Савол сўроқларидек.

Хар отилган тошларга,
Ўзингни қалқон қилдинг.
Чўмилиб кўз ёшларга,
Ғарқ эдинг, яна тўлдинг.

Дилозорнинг қўлида,
Синиб қолишинг ёмон.
Хақсизликнинг йўлида,
Асрайман сени хамон.

Шунча ўксик эдингми,
Ёки нозик шунчалар.
Ҳар нарсага эй кўнгил.
Фидо бўлма бунчалар.

Бас, ўйлагин ўзингни,
Ахир менга кераксан.
Ўзинг хар бир ишимда,
Йўлдошимсан тиргаксан.

Қизғалдоқдек тўкилма,
Икков биргамиз доим.
Хар нарсага сиқилма,
Биз биландир Худойим.

Дилобар Уролова ижодидан