Koʻnglim qolib ketdi erkak zotidan

"Turmush mushtlari"ni totib koʻrdim men,
Bariga koʻz yumdim, sabr qildim men,
"Hiyonat" qilishdi, tamom boʻldim men,
Koʻnglim qolib ketdi erkak zotidan!

"Qayda hato qildim?" Hech bilolmadim,
Savolimga javob topa olmadim,
Kechib ketolmadim... Kechirolmadim,
Koʻnglim qolib ketdi erkak zotidan!

"Nima kamchilik bor?" oʻzimda deyman,
Oynaga bir kunda ming bor qarayman,
Oʻzimga achinib tinmay yigʻlayman,
Koʻnglim qolib ketdi erkak zotidan!

Qarorim: "u emas men uchun muhim"
Koʻcha ayolini qoʻydi-ku ustun,
Bir onda , yonidan ketishim mumkin,
Koʻnglim qolib ketdi erkak zotidan!

Meni vaqtinchalik qilibti ermak,
Qulogʻimga faqat aytibti ertak,
Farzandlarim uchun yashashim kerak!
Koʻnglim qolib ketdi erkak zotidan!

Barcha" kuni kelib koʻr boʻlar"deydi,
"Qariganda yolgʻiz, hor boʻlar" deydi,
Men uchun qiziqmas, qanday yashaydi?
Koʻnglim qolib ketdi erkak zotidan!

Begi( Mumtozbegim)