Nega meni yomon ko‘rasiz

Sizga jonni fidolar qildim,
Sizni asrab o‘z bag‘rim tildim.
Turtkiladiz jimgina kuldim,
Nega meni yomon ko‘rasiz?!

Ko‘ngil qo‘yib adolar bo‘ldim,
Mehrim berib gadolar bo‘ldim.
Ohir sizdan judolar bo‘ldim,
Nega meni yomon ko‘rasiz?!

Ishonchimni sizga ulashsam,
Yaxshi niyyat ila kurashsam,
Sizni duo qilib yashasam,
Nega meni yomon ko‘rasiz?!

Dushmanlarga sizni sotmadim,
Yo‘qchilikda tashlab ketmadim
Nahot,qadrim anglab yetmadim,
Nega meni yomon ko‘rasiz?!

Ketishimni juda hohlabsiz,
Menga shuncha nafrat saqlabsiz
Meni yomon deya atabsiz,
Nega meni yomon ko‘rasiz?!

Akbaraliyeva