Popup

Главная » SEVGI ROMANTIKA HAQIDA SHERLAR SMS » Nima ishingiz bor men bilan

Nima ishingiz bor men bilan

Nima ishingiz bor men bilan
Шод бўлсам, гоҳида сиқилсам нима,
Бир зум атиргулга тикилсам нима,
Гоҳида қоқилиб, йиқилсам нима,
Нима ишингиз бор сизни мен билан.

Кўнглимга қўл солиб, қалбимни тилманг,
Кулсам қовоқ солиб, йиғласам кулманг,
Ортимдан ётволиб ғийбатлар қилманг,
Нима ишингиз бор сизни мен билан.

Бировга тош отиб, бош ёрганим йўқ,
Ёки пул дардида ўртанганим йўқ,
Ҳаромдан луқма еб ўрганганим йўқ,
Нима ишингиз бор сизни мен билан.

Онамга соябон, отам ҳокиман,
Зулматга нур сочиб яшай токи ман,
Мен Аллоҳ бандаси, Аллоҳникиман,
Нима ишингиз бор сизни мен билан.

Кўксимда юракмас, кўксимдаги чўғ,
Гоҳо қорин очар, лекин кўнгил тўқ,
Бировга ёмонлик индинимда йўқ,
Нима ишингиз бор сизни мен билан.

Мен тўғри йўлдаман йўлимни тўсманг,
Йўлимда ғов бўлиб,тикондай ўсманг,
Дунё сўрамайман йўқ,сиздан қўрқманг,
Нима ишингиз бор сизни мен билан.

Яхшига яхшиман,ёмонга ёмон,
Гулга гулдекман-у,тиконга тикон,
Ўзим билганимча яшайман тамом,
Нима ишингиз бор сизни мен билан.

Хуршид Карим



«Nima ishingiz bor men bilan»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]