Qo‘limdan kelmas!

Sizda hech narsani so‘ramay sevdim,
Arzimas ozgina mehrdan bo‘lak.
Men kuyunmay sevdim, achinmay sevdim..
Sizga bo‘lganidan yuragim yo‘lak!

Sizga boqmay sevdim hattoki bir bor,
Ko‘zlarim ashkini qilmayin oshkor.
Sizga dunyosini alishmay sevdim,
Dunyolar poyimga keldilar takror.

Sizga to‘ymay sevdim, to‘yolmay sevdim,
To‘ydi o‘jarligim ko‘tarib hayot.
Siz tomonlarga yo‘l yurolmay sevdim,
Hamon siz tomonga yuradi xayol.

Sizni uchratdim-u topolmay sevdim,
Ostonamda qoldi qadamlaringiz.
O‘zimdan bu dardni ololmay sevdim,
Oldingiz o‘sha tun alamlaringiz..

Sizni birovlarga aytolmay sevdim,
Oraz yerga boqdi, oyoq cho‘kdi tiz.
Xastalik boshimda tiyr o‘ynatdi..
Xakim, Hukamolar qo‘yolmay tashxis.

Sizdan men hech nima umid qilmadim,
Umidvorlar ishqqa munosib emas.
Sizni Xudoyimdan so‘rolmay sevdim,
Xudodan ayrilmoq qo‘limdan kelmas!

Sizni Xudoyimdan so‘rolmay sevdim