Главная » SEVGI ROMANTIKA HAQIDA SHERLAR SMS » Qon Yuragim

Qon Yuragim

Dilimda cho'g', tilimda cho'g' Yon yuragim,
Yig'lamagin, u keladi Jon yuragim,
Seni kutib, uyqu bilmay Tunlar bedor,
Sevib sevib, sevilmagan Qon yuragim.

Seni so'rab, qara tinmay Yig'layverar,
Mahzun mahzun nolalarim Yangrayverar,
Yolg'izlikka chidolmasdan Ingrayverar,
Sevib sevib, sevilmagan Qon yuragim.

O'ngidan hech kelmas mening Bu tushginam,
Qalbim mening, mendan battar Xomushginam,
Qanotlari yaralangan Oqqushginam,
Sevib sevib, sevilmagan Qon yuragim.

Sinamagin, sadoqatim Sabrimni sen,
Bir kun albat biladirsan Qadrimni sen,
Kutib turar, izlab borsang Qabrimni sen,
Sevib sevib sevilmagan Qon yuragim.

Yuragimga azob bersang Qanday chiday,
Til uchida xanjar ursang Qanday chiday,
Unda ayb yo'q, u begunoh Farishtaday,
Sevib sevib sevilmagan Qon yuragim.

Suratingni quchib bugun Qoldim uxlab,
Yashaymanda bag'rimni men Endi cho'g'lab,
Oshiq Ahad dardlarini Yozar yig'lab,
Sevib sevib, sevilmagan Qon yuragim.

Dilimda cho'g', tilimda cho'g' Yon yuragim,
Yig'lamagin, u keladi Jon yuragim,
Seni kutib, uyqu bilmay Tunlar bedor,
Sevib sevib, sevilmagan Qon yuragim.

Ahad Qayum



«Qon Yuragim»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]